دوورئێخستنا بلند ئازاد كارڤەدانێن مەزن پاش خوە هێلان
ئەڤرۆ : قەیس وەیس
دەستەكا یاریزانێن رەڤەندا كورد و ئیراقێ نەرازیبوونا خوە ل سەر دوورئێخستنا یاریزان بلند ئازاد ژ هەلبژارتیێ لاوێن ئیراقێ یێ تەپا پێی دیاركر ئەوێ ژ نشكەكێ ڤە ژلایێ راهێنەر عیماد محەمەد هاتیە ئاگەهداركرن دناڤ پێكهاتیێ تیما وی دا نەمایە خوە بەرهەڤكرن بۆ كۆپا ئاسیا ئەوا هەڤڕكیێن وێ ل دەستپێكا ئادارا بهێت وەلاتێ ئۆزپاكستانێ مێڤانداریا وێ كەت.
ژلایێ خوەڤە بلند ئازاد كو یاریزانێ یانەیا گراڤشاب یا هۆلەندیە د لاپەرێ خوە یێ فەرمی ل تۆرێن چڤاكی دا حێبەتیا خوە دا دیاركر كو دوورئێخستنا وی یا ژ نشكەكێ ڤە بوو، ئانكو ئەو داخویانیا هاتیە بەلاڤكرن كو یێ هنگافتی یە چو راستی بوو نینن، ل دووڤ ژێدەرێن رۆژنامەڤانی ئەگەرێ سەرەكی یێ دوورئێخستنا وی ژبەركو د كەمپێ راهێنانێ دا ل توركیا بەرهەڤ نەبوو سەرباری مولەت ژ راهێنەری وەرگرتبوو، ئەڤ دوورئێخستنە دێ كارڤەدانێن خراب ل سەر كادرێ راهێنانێ ژلایێ جادەیا وەرزشی هەبن.
