دووماھی قوناغا بەرھەڤیێ دێ دەستپێکەت
ئەڤرۆ:
ھەلبژارتیێ عیراقێ یێ تەپا پێ دێ ئەڤرۆ بەر ب عەمانا پایتەختێ ئوردن چیت پێخەمەت کرنا یاریەکا ھەڤالینی د گەل ھەلبژارتیێ ئوردن وەکو دوماھی قوناغا بەرھەڤیێ بو یاریێن ڤاڤارتنێن ھەڤپشک یێن موندیالا روسیا و کاسا نەتەوێن ئاسیا کو بریارە ل سێ ڤێ ھەیڤێ ئەف یاریە بھێتە کرن بەری یاریا فەرمی ل ھەشتی ڤێ ھەیڤێ د گەل ھەلبژارتیێ ڤێتنام بکەت.
بو ڤێ یاریا ھەڤالینی ھژمارەکا مەزنا یاریکەران ژلایێ راھێنەرێ ھەلبژارتیێ عیراقێ یەحیا علوانی ھاتینە داخوازکرن داکو بشێت باشترین پێکھاتی دەست نیشان بکەت و نیازێن وێ چەندێ ھەیە یاریکەرێن یەدەک بھێنە پشکداری کرن ئەوێن بەری نوکە دەلیڤە بو دورست نەبووی داکو ھەلسەنگاندنا ئاستێ وان بھێتە کرن.
ھەلبژارتیێ عیراقێ ل رێزا دویێ دھێت د کوما خوە دا پشتی سەرکەفتنا ل سەر تایوەن و وەکھەڤیا د گەل تایلەند.
