دوژمنێ مه كیه؟
ڤێ پرسیارێ كه‌س پێشكێش ناكه‌ت، هه‌كه هاته كرن ژی كه‌س گرنگیێ ب به‌رسڤێ ناده‌ت و بۆ هه‌ر جاره‌كێ ژی د به‌رسڤدانێ ژی دا شاش ببین دێ ده‌لیڤه‌كێ ده‌ینه بجهئینانا سه‌ركه‌فتنه‌كا نوو. سڤككرنا هێزا دوژمنی ئێكه ژ گرنگترین ئارمانجێن وی، هه‌ر وه‌سا مه‌زنكرنا قه‌بارێ وی ژی هه‌ر وه‌سایه، دڤێت وه‌سا ناسبكه‌ین كا یێ چاوایه بێی كێمكرن و بێی زێده‌كرن، هه‌ر وه‌كو ئه‌و ل سه‌ر ئه‌ردێ بێی زڤرینا دیرۆكێ و تشتێ به‌ری 1400 سالان هاتیه روودان، ده‌لیڤێ بده‌نه كو بێژم ئه‌ڤه مه‌ژی هشكیه!
ئه‌مریكا شه‌رێ فرۆكخانێ بده‌ستڤه‌ئینا و به‌غدا ستاندن د سێ حه‌فتیان دا، سه‌ركه‌فتنه‌كا ب له‌ز بوو كو دوور نه‌بوو ئه‌وان غرور بكه‌ت، له‌ورا ئه‌وان های ژ هنده‌ك شاشیین بچووك نه‌بوو یێن كو شه‌رێ ل دژی سه‌دامی كریه شه‌ره‌كی ئاینی یێ پیرۆز وه‌كو به‌رده‌وامپێدانا شه‌رێن سه‌لیبی، هه‌ر ژ ده‌سپێكا داخۆیانیێن بۆش و هه‌تكبه‌ریێن زیندانا ئه‌بی غرێب. (دژوارترین دوژمنێ ته ئه‌وه یێ د ناڤبه‌را ده‌ستێن ته دا) له‌ورا هه‌كه كه‌سێ نێزیك و یێ نێزیكتر تو تووشكری دێ كه‌ڤیته ل ژێر به‌ندا سیێ ژ هونه‌رێ شه‌ڕی یێ (سه‌ن تسۆ) ده‌مێ گۆتی (هه‌كه هه‌وا ته یا له‌شكری درێژ بوو، ئێدی داهاتێن ده‌وله‌تێ ل گه مه‌زاختیێن له‌شكری ناگونجیت) له‌ورا شه‌رێ دۆمدرێژ یێ سه‌ركه‌فتی ژێ ده‌ردكه‌ڤیت لاواز وه‌كو ئارمانجه‌ك بۆ ته‌ماكاریێن دیتر. ژ كه‌ڤندا گۆتیه كو (دوژمنه‌كێ ئاقل باشتره ژ هه‌ڤاله‌كێ نه‌زان) خه‌ما وی ب تنێ تێركرنا حه‌زا خوه‌دیاركرنێ یه و بده‌ستڤه‌ئینانا ره‌زه‌مه‌ندا خه‌لكه‌كی، خوه هه‌كه راستیێ و شاشیێ ژی بزانیت ده‌مێ دكه‌ڤیته تێدا: نه‌خێر گه‌ورم زانایێ من: داعش نه‌ك خه‌وارجن، ئه‌وان گه‌له‌ك كه‌یف ب خوه ب ڤێ سالۆخێ دئێت: دێ بێژنه ته ئه‌م خه‌وارجین، له‌ورا كانێ یه ئیمامێ عه‌لێ؟ ئال خه‌وارج و یێن ڤه‌ده‌ر و ئیخوان ئه‌لسه‌فا چ هه‌بوونه‌كا خوه نینه ب تنێ هه‌كه د ناڤ پرتووكان دا نه‌بیت، له‌ورا ئه‌و كه‌سێ هنده‌ك زانایان تومه‌تباردكه‌ت ب پێگریا داعشێ بیێ گرۆڤه‌یه‌ك، ئه‌و ل ژێكێژكبوونا جڤاكی ده‌گه‌ریێت یێ كو دوژمن ل هێڤیێ یه و دخوازیت كه‌یسا خوه لێ بگریت، بێده‌نگیا زانایان و بجهێلانا جهێن وان دێ ڤالاهیه‌كێ په‌یدا كه‌ت كو دوژمن ل هیڤیێ یه، هه‌ر كه‌سێ سڤكاتیی ب خودێ و پێغه‌مبه‌ران بكه‌ت و ئه‌و ب خوه یێ نه‌چاره كو ره‌خنێ ل بچووكترین به‌رپرسێ حكومی بكه‌ت، هه‌ر ژ رێڤه‌به‌رێ هۆبا خوه د كارمه‌ندیێ دا بگره و هه‌تا دگه‌هیته كونترۆلكرنێ ل سه‌ر خێزانا خوه، ئه‌و هشكباوه‌رتر نینه ژ یا داعشێ چونكو دێ فتنه‌كێ په‌یدا كه‌ت كو دوژمن ب هێدی ل هیڤیێ یه، پاراستنا ئێكرێزیێ ئه‌وه شه‌رێ دروست، لێ ئه‌وێن هاڤی ئه‌وێن ب ناڤێ نشتیمانپه‌روه‌ریا سه‌خت دئاخڤن، دڤێت مینبه‌ر بۆ وان نه‌هێته رۆخسین، نه‌ك ژ به‌ر تشته‌كی و نه‌ك ره‌گه‌زنامێن وان یێن ئه‌ورۆپی ب تنێَ، ئه‌وێن هه‌نێ یێن ده‌ستووردانه‌كا كورت دا ب تنێ دخوازن ناڤداریه‌كێ بۆ خوه دروست بكه‌ن. ژ پێش چه‌ند سالێن كێم ب تنێ ئه‌ڤ چه‌نده هاتبوو روودان ل به‌غدایێ ده‌مێ هنده‌ك هشكباوه‌ران ململانا سیاسی كرینه شه‌ره‌كێ پیرۆز د ناڤبه‌را سونه و شیعه‌یان دا، له‌ورا هه‌می وه‌لات تێكدا و زڤرینه ڤه ئه‌ورۆپا ب ملیۆنان دۆلارێن تالان كرین، هه‌ر وه‌سا ژی هنده‌ك ژ هشكباوه‌ران دخوازن شه‌رێ ل شنگالێ بكه‌نه شه‌ره‌كێ پیرۆز د ناڤبه‌را كورد و عه‌ره‌بان دا. د ڤی بیاڤی دا دكتۆر. كه‌مال موزهۆ ئه‌حمه‌د ل دۆر هه‌لویسته‌كێ وه‌كهه‌ڤ ل پێش سه‌د سالان دبێژیت( گه‌له‌ك ژ سه‌رۆك عه‌شیره‌تێن كوردی هه‌ولا كه‌یسگرتنا بارودۆخێن شه‌ڕی دكرن ژ پێخه‌مه‌ت به‌رژه‌وه‌ندیێن وان یێن كه‌سۆكی، له‌ورا دچوونه د ناڤ گۆره‌پانێن موساوه‌مێ د و ب له‌ز هه‌لویست دگوهارتن، ئه‌ڤجا هنده‌ك ژ وان هه‌بوون هاریكاریا ئنگلیز و ئه‌لمان و ئوسمانیان دكرن و جاران ژی هنده‌كان ژ وان پاراستنا په‌یوه‌ندیان دكرن ل گه‌ل پتر ژ لایه‌نه‌كی ل هه‌مان ده‌می دا، كێم جاران ئه‌ڤان كه‌سان مافێن جه‌ماوه‌ری یێن نه‌ته‌وی و جڤاكی ب پیڤه‌ره‌كی ل به‌ر چاڤه‌وه‌ردگرت، لێ ره‌نگه پرانیا وان نه‌دشیان بزانن و گرنگیا وی بهه‌لسه‌نگینن)1. لێ ئه‌ڤرۆ ئه‌و نه‌ك سه‌رۆك عه‌شیره‌تن لێ مامۆستایێ زانكۆیا به‌هله‌وانه نێزیكی هه‌می حزبانه، چو دیاریان نا زڤرینیت و د بسپۆریا خوه یا هوور ناگه‌هیت: دنڤیسیت كو فلان گرۆپ و دوور نینه بێژیت كو نیڤا باژاری و پێگیریا وی بۆ داعشێ، ئه‌ریً تو ژ وان كه‌سانی یێن دزانن كا چ هه‌یه د دلێن خه‌لكی دا؟ هنده‌ك حزب ژی ل جهێ دانانا پیێ خوه دگه‌ریێن و ده‌نگێن ده‌نگده‌ران هه‌ر وه‌كو ل جه‌نازه‌كێ یه دخوازیت د رێوره‌سمێن وێدا خوه تێر بكه‌ت ژ له‌زاندنێ و د قه‌بارێ زیانێن مه‌زن یێن نه‌زانینا خوه نا گه‌هن.
و: ئه‌ڤرۆ
