دو ئه‌ندامێن داعش ل توركيا هاتنه گرتن و ئێك ئه‌ميره
ئه‌ڤرۆ نيوز:
ل باژێرێ قەیسەری یێ تورکیا دو ئەندامێن داعش ھاتنە گرتن کو دھێنە گۆتن ئێک ژ وان ئەمیرەکێ داعش بوویە.
ب گۆرەیی میدیا تورکیا، ئەڤرۆ دانێ سپێدێ ھێزێن پۆلیس و ئاسایشێ د ئەنجامێ ئۆپەراسیۆنەکێ دا دو ئەندامێن عیراقی یێن داعش گرتن. دھێتە گۆتن ژی کو ئەو ھەردو ئەندام کوڕ و بابن.
ھەر ب گۆرەیی میدیا تورکیا ناڤێ بابی عەبدولخالق کوردی و یێ کوڕی ژی مەھدی کوردی یە. دھێتە گۆتن کو عەبدولخالق کوردی ئەمیرێ داعش یێ دەڤەرا شنگال بوویە و کوڕێ وی ژی ل باژێرێ تل ئەفەری ل گەل داعش کار کریە.
نەھاتیە زانین کا ئەو ھەردو ئەندامێن داعش کوردن یان نە، ژ بەر کو گەلەک جاران ئەندامێن داعش یێن نەیێن کورد ژی پاشناڤێ کوردی ب خوە ڤە کریە.
