دو جاران بۆ كڕینا ئامیرێ مۆزیكێ من كرییە گری
دلۆڤان هالۆ:
مۆزیكژەنێ گەنج (رەوەند لۆقمان) كو خەلكێ باژێرێ زاخۆیە، د دیدارەكێ دا بۆ رۆژنامەیا ئەڤرۆ گۆت: ل قوناغا سەرەتایی حەزا مۆزیكێ ل دەف من پەیدا بوو، دەمێ كو من مۆزیكژەن د تەلەفزیۆنێ دا ددیتن سەرنجا من رادكێشان، ل زارۆكاتیا خوە من دو جاران بۆ كڕینا ئامیرێ مۆزیكێ كرییە گری.
هەروەسا گۆت: ئامیرێ سەرەكی یێ ئەز دژەنم، لێ ئەز بەهرا پتریا ئامیرەیێن فۆدار ئانكو (هەوایی) دژەنم، هەروەسا پیانۆ و عۆدێ ژی دزانم و گەلەك حەزژ ژەنینا ئامیرەیێ جۆمبشێ ژی دكەم و مۆزیك ل دەف من ئارامیە و ژەنینا مۆزیكێ هەستەكێ گەلەك خۆش ل دەف من پەیدا دكەت، چنكو مرۆڤ بەردەوام وزەیا خوە كۆم دكەت و هەموویێ ب رێكا ئامیرێ مۆزیكێ دەردئێخیت، گەلەك جاران ل شەڤێن درەنگ و بێ دەنگ وەزیەك بۆ من دهێت و ئەز ب ئامیرەیێ مۆزیكێ وێ وزێ دەردئێخم.
