دو جارا بزاڤا خوە کوشتنێ کریە
ئەڤرۆ نیوز:
پارێزەرەکێ دادگەھا شێخان راگەھاند، کو دایکەک بۆ ئێکەم جار ھەست ب دایکینییا خوە دکەت و بۆ ھندێ بھێتە بریندارکرن و ئازاردان ھەڤژینێ وێ کچا وێ یا ژیێ وێ کێمتر ژ سالەکێ ژبەر دلێ وێ دوور دئێخیت و ناھێلیت ببینیت و جارەکا دی ددانیتە بەر سینگێ خوە، ئەڤ ژنە گەلەک ژ کچا خوە خەریب دبوو و ھەرا دامای بۆ و دونیا لبەر دلێ وێ رەش ببۆ و وەکو خەمۆکیێ گرت ھەتا گەھشتیە وی رادەی دو جارا بزاڤا خوە کوشتنێ کر.
پارێزەر ئەڤین خودێدا ل دادگەھا شێخان تایبەت بۆ رۆژناما ئەڤرۆ دیارکر کو، ھندەک جارا مرۆڤایەتی د سەرێ ھندەک زەلامادا نینە و گۆت: دلوڤانی لنک نامینیت و دەوروبەرێن وی ژی ڤێ رەفتارا وی یا خەلەت نا راوەستینن، چو تشت ب بھا و عەزیزتر نینە ژ جەگەرا مرۆڤی ھندەک جارا مرۆڤ ئامادەیە گیانێ خوە بێختە مەترسیێ و بکەتە قوربان ژی بۆ ھندێ ئەڤ جەگەرا شرین رووبەرووی چو نەخۆشیان نەبیتەڤە، ئەڤە ژی دایکەکە بۆ ئێکەم جار ھەست ب دایکینییا خوە دکەت و بۆ ھندێ بھێتە بریندارکرن و ئازاردان ھەڤژینێ وێ کچا وێ یا ژیێ وێ کێمتر ژ سالەکێ ژبەر دلێ وێ دوور دئێخیت و ناھێلیت ببینیت و جارەکا دی لبەر سینگێ خوە شیری بدەتێ و گەلەک ئاریشە و شەرەدەڤ دناڤبەرا ڤان ھەردو ھەڤژینان دا روودان وی ژی کچا خوە ھێلا لنک خوە و ناھێلیت دەیکا وێ نێزیکی وێ بیت، ئەڤێ ژنێ داخازا بەردانێ ژ ڤی زەلامی کر، لێ وی ئەڤ داخازە رەتکر و چارەنڤیسێ ڤێ ژنێ ھێلا ھەلاویستی.
پارێزەرێ ئەو چەندە ژی ئاشکرا کر، رۆژ ھاتن و چوون ئەڤ ژنە گەلەک ژ کچا خوە خەریب دبوو و ھەرا دامای بۆ و دونیا لبەر دلێ وێ رەش بۆ و وەکو خەمۆکیێ گرت ھەتا گەھشتیە وی رادەی دو جارا بزاڤا خوە کوشتنێ کر، جارەکێ دا ل مال خوە خەندقینیت بەلێ کەس و کارێن وێ ڤێرا گەھشتن و نەھێلا، جارا دیتر ژی خوە ھاڤێتە بەر ترۆمبێلەکێ بەلێ خودێ خلاس کر ب تنێ چەند برینەکێن سڤک ھەبوون و گۆت: ئەڤێ ژنێ جارەکا دی داوایەک ل دادگەھا شێخان تومارکر و داخازا بەردانێ ژ ڤی زەلامی کر و داخاز کر کچا وێ بۆ بزڤرینیت، دادگەھێ پشتی دووڤچوون کری وەسا دیار بۆ کو مافێ وێ ژنێ یە کچا وێ لنک وێ بیت چونکو یا بچووکە و پێدڤی دەیکا خوەیە، ھەتا نھا دادگەھا وان یا بەردەوامە.
