دو جورێن گه‌شتیاریێ ل دەڤەرا چەمانکێ پەیدا بووینە
ئه‌ڤرۆ نیوز، بارزان مزووری:
ئه‌لند ئه‌میر كوگه رێڤه‌به‌رێ ناحیا چه‌مانكێ بۆ ئه‌ڤرۆ نیوز گۆت: (هزاران گه‌شتیارا ل هه‌موو باژێرێن كوردستانێ سه‌ره‌دانا ده‌ڤه‌را چه‌مانكێ كریه بۆ ناڤ به‌فرێ تایبه‌ت بۆ چیایێ گاره‌ی ده‌ما دگه‌هیه سیاره‌تیكا هه‌تا چه‌مانكێ ب ئێكجاری رێك دبیته قه‌له‌بالغ به‌لێ سوپاس بۆ پولیسێن هاتن و چونێ و هێزێن ئه‌منی ناهێلین رێك بهێته داخستن و ئاریشه دروست بن بۆ گه‌شتیارا تیمێن سه‌خبێریا رێك و پرا دگه‌ل باژێرڤانیا چه‌مانكێ به‌ری به‌فر باریت وان پلانێن خۆ دانابون بۆ رامالینا به‌فرێ د رێكێن ده‌ڤه‌رێ دا).
ناڤهاتی خویاكر رێكێن وان گوندێن ده‌ڤه‌را چه‌مانكێ ئه‌وێن ئاڤه‌دان هه‌موو ڤه‌كرینه چ رێك نه‌هاتینه داخستن ژ ئه‌گه‌رێ به‌فر بارینێ.
ئه‌لند ئه‌میر كوگه ئەو یەک ژی دیار کر ژ پرۆژێن گرنگ بۆ باشتر كرنا ره‌وشا كه‌رتێ گه‌شتیاری ل ده‌ڤه‌رێ د وهرزێ زڤستانێ دا ئه‌ڤ ده‌ڤه‌را پێتڤی ب خارنگه‌ه و ئوتێل و موتێلایه ژبه‌ركۆ هه‌تا نها لڤێ ده‌ڤه‌رێ نه‌هاتینه دروست كرن،رێكا سه‌ره‌كیا چیایێ گاره ئه‌و رێك پێتڤی ب نوێژه‌نكرنێ یه ژبه‌ركۆ گه‌له‌ك جهان ئه‌و رێك ژناڤ چویه،دیسان دروست كرنا تلفریكه‌كێ ل چیایێ گاره‌ی، مه پلانه‌ك دارێژتی یه دگه‌ل قائیمقامێ ئامێدیێ گه‌نگه‌شه ل سه‌ر هاتیه كرن.
ناڤهاتی زێده‌تر گۆت: (ل دوماهیا وهرزێ پایزێ هه‌موو جهێن گه‌شتیاری ل قه‌زا چه‌مانكێ دهێن داخستن داهاتێ گه‌شتیاری لڤێ ده‌ڤه‌رێ بتنێ ل وهرزێ هاڤینێ بۆ به‌لێ د نها دا پشتی بارینا به‌فره‌كا زور گه‌شتێن زڤستانێ لڤێ ده‌ڤه‌رێ زێده‌تری یا هاڤینێ لێ هاتیه د نها دا دوو جورێن گه‌شتیاری ده‌ڤه‌رێ دروست بوینه یا هاڤینێ و زڤستانێ بڤی ئاوای د وهرزێ زڤستانێ دا داهاتیه‌ك مه‌زن كوم دبیت بۆ ده‌ڤه‌رێ،داهاتیێ وهرزێ به‌فرێ دێ قه‌ره‌بویا خه‌لكێ ده‌ڤه‌رێ كه‌ت ل پێش داخستنا جهێن وان یێن گه‌شتیاری ل وهرزێ هاڤینێ دا).
