دو جۆرێن بەرھەمێن چاندنێ ل شێخان پلە ئێکن
ئەڤرۆ نیوز، بارزان مزووری:
رێڤەبەرێ بنگەھێ شیرتکاریا ناحیا قەسرۆک بۆ ئەڤرۆ نیوز دیار کر کو دو جۆرێن بەرھەمێن چاندنێ د ناڤ خانیێن پلاستیکی دا ل شێخان سەرکەفتن ئینایە ژ وان ژی بەرھەمێن (خیار) و (تروزی) پلا ئێکێ ل دەڤەرێ ب دەست خوەڤە ئینایە.
ئەندازیارێ چاندنێ ئەنوەر خدر، رێڤەبەرێ بنگەھێ شیرەتکاریا ناحیا قەسرۆکێ بۆ ئەڤرۆ نیوز دیار کر کو ل دووڤ سیستەمەکێ نوو یێ چاندنێ ١١٠ خانیێن پلاستیکی ل قەزا شێخان بۆ بەرھەم ئینانا بەرھەمێ خیاران ھاتینەدانان ھەر ئێک ژوان خانیان پتری ١٥ تەنێن خیاران بەرھەم ئینایە د قووناغا ئێکێ دا و نوکە قووناغا دووێ یا زڤستانێ ھاتیە چاندن کەفتینە د بەرھەم ئینانێ دا و گۆت: “بتنێ ل ئێک گوند ٧٠ خانیێن پلاستیکی بۆ چاندنا بەرھەمێَ خیاران ھاتینە چێکرن”.
ناڤھاتی دیار کر کو پێشبینی دھێتەکرن ئەڤ سالە د ھەیڤا ئێک دا بەرھەمێ تروزیان لبن خانیێن پلاستیکی بھێتە چاندن، ژ بەر کو ل سالا بوری رێژەکا تروزیا وەکو تێست ھاتبوونە چاندن و ب شێوەیەکێ گشتی سەرکەفتن ئینا.
