دو دەرگەهێن سنووری د ناڤبەرا هەرێمێ و ئیرانێ دا دێ هێنە ڤەكرن
رێڤەبەرێ گشتی یێ پەیوەندیان د ناڤبەرا هەرێما كوردستانێ و ئیرانێ دا دیار كر، لێكگوهارتنا بازرگانی د ناڤبەرا هەرێمێ و ئیرانێ دا ب رێژەیا 25% زێدە بوویە و بڕیارە دو دەرگەهێن دیتر یێن سنووری د ناڤبەرا هەرێما كوردستانێ و ئیرانێ دا بهێنە ڤەكرن و ئەو هەردو دەرگەه ژی ل دووڤ داخوازیا حوكمەتا ئیرانێ و هەرێما كوردستانێ دێ هێنە ڤەكرن.
عەبدوللا ئاكرەیی، زێدەتر بۆ رۆژناما ئەڤرۆ دیار كر، بەری چەندەكێ پارێزگارێن هەرێمێ و سەرپەرشتیارێن ئیدارێن سەربخوە سەرەدانا باژێرێ ئۆرمییێ ل ئیرانێ كربوو، تێدا پارێزگارێن ئۆرمییێ و سنە و كرمانشان تێدا پشكدار ببوون، د وێ سەرەدانێ دا بەحس ل قەبارێ بازرگانی د ناڤبەرا هەرێما كوردستانێ و ئیرانێ دا بهێتە زێدەكرن و ب هەڤبەركرن ل گەل سالا بۆری 25%ێ قەبارێ بارزگانییێ ل سنوورێ حاجی ئۆمەران زێدە بوویە.
ناڤهاتی گۆت: «د چەندین رۆژێن بهێن دا، كۆمبوونەكا دیتر د ناڤبەرا پارێزگارێ هەولێرێ و پارێزگارێ ئۆرمییێ دا ل خالا سنوورییا حاجی ئۆمەران دێ هێتە كرن، هەروەسا دو دەرگەهێن دیتر یێن سنووری كو ئێك ژ وان دەرگەهێ گیلەشینێ یە ل سیدەكان و یێ دی ژی ل سنوورێ قاسمەرەشە ل قەلادزێ و رانییە، د ناڤبەرا هەرێما كوردستانێ و ئیرانێ دا».
