دو راهێنەرێن پارێزگەهێ باوەرنامەیا فۆتسالێ ئاست-2 وەرگرتن
ئەڤرۆ
هەردو راهێنەرێن یاریا فۆتسالێ ل پارێزگەها دهۆكێ خەیری ئەحمەد و راهێنەرا كچ خوزی حەمید باوەرناما فۆتسالێ ل سەر ئاستێ ئاسیا 2 Level ب سەركەفتیانە وەرگرتن، پشتی پشكداری د خولەكا راهێنانێ دا كرین ئەوا ژلایێ ئێكەتیا تەپا پێی یا ئیراقێ هەڤكاری دگەل ئێكەتیا ئاسیا بۆ حەفتیەكێ هەر ژ 15 هەتا 21ێ ئادارا بۆری ب پشكداریا 14 راهێنەرێن ئیراقێ ل باژێرێ بەغدا هاتیە رێكخستن.
ل دۆر ڤێ یەكێ خەیری ئەحمەد راهێنەرێ پشكدار بۆ رۆژناما ئەڤرۆ گۆت: پێخوەشحالم وەكو راهێنەرێ ئێكانە و كوڕ ل سەر ئاستێ كوردستانێ پشكداری خولا لێڤێل دو بوویمە، ژبەركو راهێنەرییا فۆتسالێ تایبەتمەندیا منە ئەڤە چەند سالە وەكو راهێنەر و هەروەسان مامۆستایێ زانكۆیێ پێنەڤێت مفایەكێ گەلەك باش ژێ وەرگرتیە و بوویە دەرگەهەك كو داهاتی دا راهێنەراتیا هەلبژارتیان ژی وەربگرین و ژلایێ ئێكەتیێن ئیراقێ و ئاسیا بفەرمی باوەرپێكریە.
هەروەسان ناڤهاتی دیار كر دەستڤە ئینانا باوەرنامێ وەكو راهێنەرەكێ پارێزگەهێ و كوردستانێ دێ بیتە رێكخۆشكەر بۆ لێڤل سێ و دووڤدا دووماهی باوەرنامە ئەوژی یا پرۆ، لەوما دێ هەموو بزاڤان كەم بشێوەكێ بەرفرەهتر خوە پێشبێخم و ئاستێ خوە باشتر لێبكەم و پێنەڤێت مەرەم ژی بلندكرنا ئاستێ یاریا فۆتسالێ ل پارێزگەها دهۆكێ یە.
