دو راهێنەر و دادڤانەكێ پارێزگەهێ پلەیێن پسپۆرییا خوە بلند كرن
ل حەفتییا بۆری ئەنجام و باوەرنامەیێن چەند راهێنەر و دادڤانێن ل سەر ئاستێ ئیراقێ و كوردستانێ پشكداری خولێن بلندكرنا پلە و باوەرنامەیێن نێڤدەولەتی كرینە، ژ پارێزگەها دهۆكێ دادڤانێ نێڤدەولەتی سەمیر محەمەدعەلی و راهێنەرێ یانەیا دهۆك میقداد رەعدی و راهێنەرێ جەستەیی یێ یانەیا سەنحاریب ئاشۆر داڤید ب سەركەفتیانە باوەرنامە ب دەستخوەڤە ئینان، ئەوا ژلایێ فیدارسیۆنا باسكێت بۆلا ئیراقێ و یا نێڤدەولەتی FIBA هاتیە رێكخستن.
سەمیر محەمەدعەلی شارا نێڤدەولەتی یا دادڤانێن چاڤدێر ل سەرمێزێ وەرگرت ئەوێ دشێت هەتا 2025ێ وەكو ماف دشێت هەر قارەمانییەكا فەرمی ل سەر ئاستێ جیهانێ و ئاسیا برێڤەببەت، پشتی د تاقیكرنێن تیۆری و پراكتیكی دا ب سەركەفتین ئەوا تێدا چار دادڤانێن ناڤ یاریگەهێ و دو یێن چاڤدێر ل سەر مێزێ پشكدار خولێ كری.
ژلایێ خوەڤە راهێنەر میقداد رەعدی شیا باوەرنامەیا WABC Level 1 یا راهێنانا نێڤدەولەتی ب دەستڤە بینت، د تاقیكرنێن تیۆری و پراكتیكی دا ب ئەنجامێ سەركەفتیێ زوور باش وەربگریت، ئەوا ژلایێ فیدراسیۆنا باسكێت بۆلا ئیراقێ و سەرپەرشتییا فیدراسیۆنا نێڤدەولەتی ب پشكدارییا 15 راهێنەرێن ئیراقێ ل هۆلا گرتییا شەعب ل پایتەختێ ئیراقێ بەغدا بهێتە كرن.
ژلایێ خوەڤە راهێنەرێ جەستەیی ئاشۆر فوئاد شیا ب سەركەفتیانە باوەرنامەیاSPS LEVEL 2 یا راهێنەرێ جەستەیی ل سەر ئاستێ ئیراقێ ب دەستڤە ئینا پشتی د تاقیكرنێن تیۆری و پراكتیكی ب ئەنجامێ زوور باش ئینایی ئەوا ل سەرجەمێ 17 راهێنەرێن پشكدار 11 پشكداربوون تێدا حەفت راهێنەر د تاقیكرنان ب سەركەفتن.
