دو زارۆیێن برایێن ئێک خەندقین
ئەڤرۆنیوز، سەباح زوهێر:
ئەڤرۆ پشتی دەمژمێر شەشێ ئێڤاری ل باکورمان ل سەر رووبارێ خازر یێ سەر ب قەزا ئاکرێ ڤە دو زارۆ کەفتنە د ئاڤێ دا و د ئەنجامدا هەردویان گیانێ خوە ژ دەست دایە.
ل گور زانیاریێن نەخۆشخانا تەنگاڤیا ل ئاکرێ ئەو هەردو زارۆیە خەلکێ ئاکرێ نە و سەر ب تاخێ ئالەیێ نە ب ناڤێ(حەمید حەکیم خانو، مەنسور حەکیم خانو) کو هەردوو برایێن ئێکن، ئێک د ژیێ 10سالیێ دایە و یێ دی ژی د ژیێ 12سالیێ دایە.
گۆت ژی، ل دەمژمێر حەفت تەرمێن هەردویان گەهشتینە نەخوشخانا تەنگاڤیا لێ هەردویان گیانێ خوە ژ دەست دا و لدووڤدا تەرمێن هەردویان هاتینە رەوانەکرن بۆ نوشداریا داد ل نەخۆشخانا گولان یا گشتی ل ئاکرێ.
هەژی ئاماژێ یە کو ئەڤ هەردو زارۆیە بۆ مەبەستا گەشتکرنێ ل گەل مالباتا خوە چوینە هاڤینگەها باکورمان ل سەر رووبارێ خازری و ئەو جهێ کەفتی نە تێدا ب کوراتیا سێ مەترابوویە و ئاڤەکا شێلی بوویە و پشتی نیڤ دەمژمێرێ تەرمێن هەردوو زارۆیان ژلایێ هندەک گەنجێن وێ دەڤەرێ ژ ئاڤێ دا ئینانەدەر.
