دو ساله چۆ لێدانێن سزایێ ل سه‌ر به‌رشه‌لۆنا نه‌هاتینه هژمارتن
ئه‌ڤرۆ نیۆز،سه‌باح زوهێر:
رۆژناما ماركا یا ئیسپانى و یا نێزیك ل یانا ریال مه‌درید ئاماره‌ك ل سه‌ر دادڤانێن ئیسپانیا ل یاریێن به‌رشه‌لونادا به‌لاڤ كریه كو نێزیك دو ساله چوچ لێدانێت سزا ل سه‌ر یانا ناڤبرى نه‌هاتینه هه‌ژمارتن.
رۆژناما ماركا یا ئیسپانى د راپۆرته‌كێ دا ل سه‌ر یاریێت به‌رشه‌لونا ئاماره‌ك به‌لاڤ كریه كو ل 14ێ شوباتا 2016 تا نها كو دبیته دو سال دادڤانێن ئیسپانیا چۆ لێدانێت سزایێ ل سه‌ر به‌رشه‌لۆنا بۆ یانێت هه‌مبه‌ر هه‌ژمار تومار نه‌كرینه،ئه‌ڤه ژى بوویه جهێ گۆمانێ بۆ به‌شه‌كێ زورێ عاشقێن ته‌پاپێ ب تایبه‌ت ركابه‌رێت به‌رشه‌لۆنا گۆمان د رۆلێ راهێنه‌را دبینن.
شه‌ڤا بورى ل روو ب رووبۆنا دناڤبه‌را یانا به‌رشه‌لۆنا و دیپۆرتیڤۆ ئالاڤێس ل سه‌ر یاریگا نیوكامپ كو ب ئه‌نجامێ 2ــ 1 دمفایێ به‌رشه‌لۆنادا داوى هات،ل خوله‌كا 89دا هێرش به‌ره‌كێ یانا ئالاڤێس ته‌په‌كێ ئاراستێ گۆلێ به‌رشه‌لۆنا دكه‌ت،لێ ب ده‌ستێ ساموێل ئومتیتى دكه‌ڤیت و ئه‌ڤ حاله‌ته ژى دهێلا سزایێ دا روودده‌ت،لێ دادڤان ناكه‌ته سزا.
پشتى ب داوى هاتنا یاریێ ل تۆرێن جڤاكى دا وێنێ یاریێ هات به‌لاڤ كرن و به‌شه‌كێ زور ژ خه‌لكى ره‌خنێت توند ئاراستەی دادڤانین ئیسپانى كرن.
بۆ ماوێ 74 یاریێت بورى دا یانا كه‌ته‌لۆنى چۆ لێدانێت سزا ل سه‌ر هه‌ژمارنه‌كرینه به‌روڤاژى 32 لێدان بو وان هه‌ژمارتینه.
