دو سترانێن نوو درێزێ دانه
دهۆك، زنار تۆڤی:
سترانبێژا به‌رنیاس (دلبه‌ر جزیری) كو خه‌لكا باژێرێ جزیرێ یه ل باكۆرێ كوردستانێ، لێ ئه‌ڤه چه‌ند ساله ل وه‌لاتێ ئه‌لمانیا دژیت، د دیداره‌كێ دا بۆ رۆژناما ئه‌ڤرۆ دیاركر كو ده‌مه‌كه ئه‌و مژوولی چێكرنا دو سترانێن نوو یه، یا ئێكێ ب شێوێ دویت ل گه‌ل سترانبێژه‌كێ بیانی گۆتیه، ل نێزیك به‌لاڤ كه‌ت، سترانا دویێ ژی تۆماركریه، ژ په‌یڤ و ئاوازێن وێ ب خوه‌نه، لێ هه‌تا نوكه كلیپ نه‌كریه.
زێده‌تر گۆت: ژبه‌ر ڤایرۆسێ كۆرۆنایێ من نه‌شیایه وه‌كو پێدڤی سترانێن نوو به‌لاڤ بكه‌م، هه‌روه‌سا ئه‌ز حه‌ز دكه‌م ئه‌لبۆمه‌كا نوو یا سترانان چێكه‌م، لێ ژبه‌ر نه‌بوونا سپۆنسه‌ران هه‌تا نوكه من نه‌شیایه چێكه‌م و بتنێ من دو سترانێن سینگل چێكرینه و داخواز ژمن هاتیه‌كرن كو وه‌كو ئه‌كته‌ر پشكداریێ د فلمێن سینه‌مایی دا بكه‌م لێ هه‌تا نوكه ئه‌ز پشكدار نه‌بوویمه.
