دو سکالایێن دی ل سەر نێلمار و سەروکێ یانا بەرشەلونە دھێنە تومارکرن
ئه‌ڤرۆ نيوز:
دادگەھێن بەرازیل و ئسپانیا جارەکا دی دێ دەست ب ڤەکولینێ کەت ل گەل سەروکێ یانا بەرشەلونە و یاریکەرێ وێ یێ بەرازیلی نێلمار دا سێلڤا ب تاوانا گەندەلیێ.
ژێدەرەکێ ئەنجومەنێ دادگەھا ئسپانی بۆ رۆژناما فرانس پرێس دیارکریە دادگەھا نشتیمانی سکالایا کومپانیا (دیس) قەبیل کریە دژی سەروکێ یانا بەرشەلونە خوسێ ماریا بارتومیو و یاریکەرێ وێ یێ بەرایلی نێلمار داسێلڤا ل دۆر مافێن وێ د ڤە گوھاستنا ڤی یاریکەری دا، ژلایێ خوە ڤە سندوقا وەبەرھێنانا بەرازیلی ئەوا پشکەکا مەزن ژ مافێن یاریکەرێ بەرازیلی نێلماری ھەی ل وەلاتێ خوە سکالەیەکا دی ل سەر نێلماری تومارکریە ل دووڤ ڤێ سکالایێ بحسا پشکێن بھایێ دەستڤەئینانا نێلماری بۆ یانا کەتەلونی دکەت دیسان دەربارەی بابەتێ گەندەلیێ د ڤێ ھەڤبەستێ دا ژلایێ بابێ ڤی یاریکەری و یانا وی یا نوکە و سانتوس.
سندوقا وەبەرھێنانا بەرازیلی ئەڤ سکالایە ل سەر نێلماری تومارکریە ژبەرکو ئەوان مافێ ٤٠% یێ ھەی د ھەڤبەستێن یاریکەران دا و ب مافێ خوە د زانیت بەرێخوبدەتە ھەر ھەڤبەستەکا بھێتە ئیمزا کرن داکو سەرپێچی د مافێن وێ دا نە ھێتە کرن سەرەرای کو ئەوان ژ ڤێ ھەڤبەستێ شەش ملیۆن یورو وەرگرتینە ژ سەرجەمێ ١٧ ملیۆنا.
