دو كارێن هونەری پێكڤە دكەت
هەرهین محەمەد:
دلژین جەلال، كچەكا دەست رەنگینا باژێرێ دهۆكێ یە، د دیدارەكێ دا بۆ رۆژنامەیا ئەڤرۆ گۆت: ل قوناغا سەرەتای فێری چێكرنا كەڤال و دەست رەنگینیێ بوویمە و هەتا نوكە یا بەردەوامم و بۆ دروستكرنا كارێن دەستی گەلەك ژ وان من هزر ژ سۆشیالێ وەرگرتیە وەكو دروستگرنا بلوز و چانتە و بازنگان ب سوفی و من ل گوگلی رێكا چێكرنێ لێ دگەریا و پاشی ئەو كەرەستەیێن پێدڤی من ب دەست خوە ڤە دئینان و من ل سەر كاردكر و ئەو تشتێ د هزرا من دا من دكرە بلوز، یان چانتە، یان هەرتشتەكێ دی بیت.
هەروەسا گۆت: پتریا كەڤالێن من دەربڕینێ ژ سرۆشتی دكەن، چونكو حەزژێكەرا سترۆشتی مە و گەلەك جاران دەمێ دچمە دناڤ سرۆشتی دا كەرەستەیێن خوە ییێن كارێ دەستی و یێن وێنەكێشانێ ل گەل خوە دبەم و ژبەركو مێشكێ مرۆڤی گەلەك یێ سافیە و ل وی دەمی هەرتشتەكێ من بڤێت وەك دارو بەرو گیا و ئەسمان و رۆبارو بتنێ مرۆڤ نەبن و بۆ هەركارەكێ خوە ژی پتری دەمژمێرەكێ ل سەر كاردكەم هەتا كو ب دووماهی دئینم.
