دو كلیپێن نوو دێ به‌لاڤ كه‌ت
دهۆك، زنار تۆڤی:
سترانبێژ (ماهر قامیشلۆ) كو خه‌لكێ رۆژئاڤایێ كوردستانێ یه و ئه‌ڤه چه‌ند ساله ل وه‌لاتێ ئه‌لمانیا دژیت، د دیداره‌كێ دا بۆ رۆژناما ئه‌ڤرۆ گۆت: دژیه‌كێ بچووك دا من گۆهداریا ستران و مۆزیكا كوردی دكر و گه‌له‌ك حه‌ز ل سه‌ر گۆتنا سترانان هه‌بوو، ئه‌ڤ حه‌زه ل گه‌ل من مه‌زن بوو، ئه‌ڤه چه‌ندین ساله سترانان دبێژم و هه‌تا نوكه من چار كلیپ چێكرینه، نوكه مژوولی تۆماركرنا دو سترانێن نوومه، یا ئێكێ ل دۆر باژێرێ قامیشلۆیه و یا دویێ ژی سترانه‌كا ئه‌ڤینی یه ل نێزیك دێ به‌لاڤ كه‌م، بۆ زانین كه‌سێ هاریكاریا من نه‌كریه و هه‌موو ستران و كلیپێن خوه من ب خوه چێكرینه.
هه‌روه‌سا گۆت: ئه‌ز ئامیرێ سازێ و عۆدێ دژه‌نم، و پشكداریێ د هه‌موو هه‌لكه‌فت و ئاهه‌نگێن كوردان دا ل ده‌رڤه‌یی وه‌لاتی دكه‌م، خزمه‌تكرنا هونه‌رێ كوردی ئێكه ژ ئارمانجێن من یێن سه‌ره‌كی د ژیانا من دا، و ب دیتنا من نوكه هونه‌رێ كوردی د ئاسته‌كێ باش دایه، هندی د ژیانێ دا مابم دێ خزمه‌تا ستران و مۆزیكا كوردی كه‌م.
