دو كه‌س به‌ربژارن بۆ سه‌رۆكێ یانا دهۆك
ئه‌ڤرۆ نیوز، هه‌ژار مه‌عروف:
پشتى هه‌ر ئێك ژ سه‌روك و جێگرێن یانا دهۆك ده‌ست كاركێشانا خوه راگه‌هاندى كو یێ دوێ حه‌جى حسێن جێگرێ سه‌روكێ یانه‌یا دهۆك داخوازا لێبورینى ژ به‌رده‌وامیا كارێ خوه كرى، ل دۆر ڤى بابه‌تى و دووماهى ده‌نگوباسێن كارگێریا یانێ به‌رپرسێ راگه‌هاندنا یانه‌یا دهۆك سه‌میر محه‌مه‌د سه‌برى د داخویانیه‌كێ دا بۆ ئه‌ڤرۆ نیوز دیاركر چاڤه‌رێ دهێـته‌كرن ئه‌ڤرۆ هه‌تا سوباهى چه‌ند گوهورینێن دى ژى بهێنه‌كرن و دو ئه‌ندامێن كارگێریا یانێ ده‌ست كاركێشانا خوه ب راگه‌هینن.
ناڤبرى ل دۆر پاشه‌رۆژا یانێ و ده‌ست نیشانكرنا سه‌رۆكێ یانێ یێ نوو دیاركر ل ده‌مه‌كێ نێزیك دێ سه‌روكێ یانێ یێ نووى هێته ده‌ست نیشانكرن كو دو ناڤ هه‌تا نوكه به‌ربژارن و ل دو رۆژێن بهێت دێ ئێك ژ ئه‌وان كه‌سان هێته ده‌ست نیشانكرن وه‌كو سه‌روكێ یانێ یێ به‌روه‌خت هه‌تا ده‌مێ هه‌لبژارتنا.
