دو ماددەیێن مەترسیدار د ئەندۆمیان دا هەنە
تایبەتمەندەکێ خوارنێ هۆشداریێ ددەت ل گەلەک خوارنا ئەندۆمیان و رادگەهینیت:
ئەندۆمیێ چەند ماددەیەکێن کیمیاوی تێدانە، کو مرۆڤی تووشی چەندین نەخۆشییێن دۆمدرێژ دکەن.
د. سەلمان جاف، تایبەتمەندێ خوارنێ دیاردکەت، ئەندۆمی دچیتە دناڤ خوارنێن کو بەهایێ وان یێ خۆراکیێ یێ نزمە و رێژەیا پڕۆتین، ڤیتامین و ماددەیێن رووشالی تێدا کێمە، د بەرامبەردا رێژەیا خوێ و چەوری و شەکرێ گەلەک تێدایە، لەورا نە ب تنێ مفا نینە، بەلکو هندەک جارا زیان ژی هەیە.
راگەهاند: ئاریشەکا دیتر یا ئەندۆمیێ ئەوە، کو نیڤ ئامادەیە، ئانکو دهێتە ئامادەکرن و پاش دکەنە رۆنەکێ زۆر پشتی رەقبوونا وی، پاش دهێتە دەرئینان و هەلگرتن، ئەڤەژی وەدکەت چەورییەکێ زۆر تێدا کۆمڤەببیت، ژبلی ڤێ ئەڤ جۆرە خوارنە پێدڤیە ب هندەک ماددەیێن دی بهێنە تێکرن داکو بمینن، د ئەندۆمیێ دا ماددەیێ کیمیاوی “TBHQ”، کو ئەگەرێ تووشبوونێ ب پەنجەشێرێ زێدەدکەت و کاریگەری هەیە ل سەر نەخۆشیێن دەماران و ل هندەک جها دیتیە کو ئاریشا ل “DNA”دا دروست دکەت.
تایبەتمەندێ خۆراکیێ د پشکەکا دی یا گۆتنێن خۆ دا راگەهاند: ماددەیەکێ دیتر هەیە ب تەعدڵ دکەنە پاودەرێ ئەندۆمیێ، کو ئەوژی “MSG”یە، دەرکەفتیە کاریگەریێن خراپ هەنە ل سەر نەخۆشییا فشارا خوینێ و شەکرێ و نەخۆشیێن میتابۆلیکی.
راگەهاند ژی: ل دووڤ ڤەکۆلینان؛ ئەو کەسێن ئەندۆمیان زیان بۆ ساخلەمیا وان هەبوویە، ئەو کەس بوون، کو د حەفتەیەکێ دا زێدەتر ل سێ رۆژان خوارینە.
