دو ماچ
بەهزاد بەهرام
دو ماچێن پڕ وا هیڤی
بۆ وان چاڤێن باهیڤی
بهار، باران توی لۆلاڤ
ژ تە هات بێهنا گولاڤ
::: ::: :::
دو ماچێن پری گەرم
بۆ رۆمەتێن هند نەرم
نە بتنێ ئەو ب قەرن
بەلكو هەردەم ب فەرن
::: ::: :::
دو ماچێن زێدە تەڕ
بۆ وان لێڤێن مینا پەڕ
كو شەڤ و رۆژ هەر ب شەڕ
ئەو چ ! خۆشابە ل سەر
دو ماچێن ب هێزا باز
بۆ گەردەن زراڤا ناز
یان كێرییە یان زنار
نشیڤی و بەر ب بنار
::: ::: :::
دو ماچێن پڕ ب شپی
بۆ وی سینگێ رەنگ سپی
وەی پا نەقەبا كویرە
گەشت و رێكەكا دویرە
::: ::: :::
دو ماچێن لەز و تەزی
بۆ جۆت ترمیێن رەزی
بایێ سەحەر چەپ و راست
دلبەرێ ئەڤ یاریە خاست
