دو مەزنە یانەیێن ئەلمانیا دووڤچوونا یاریزانەكا كورد دكەن
ئەڤرۆ
قەیس وەیس:
ل دووڤ ژێدەرێن نێزك ژ یاریزانا هەرێما كوردستانێ و كچا هەولێرا پایتەخت وهێرشبەرا یانەیا هیلال یا سعۆدیێ شۆخان نورەدین كو هەردو یانەیێن بۆرۆسیا دۆرتمۆند و لایبزیگ یێن ئەلمانی دووڤچوونا وێ دكەن و بزاڤێ دكەن گرێبەستێ دگەل ئیمزابكەن.
هێرشبەرا هیلال دێ دووماهیا ڤێ هەیڤێ ڤەگەڕێتە سعۆدیێ بۆ بەردەوامیا پشكداریێ د خولا وی وەلاتی دا ئەوا گرێبەستا وێ بۆ دو وەرزان هاتیە ئیمزاكرن، لێ دبیت پشتی دەنگۆباسێ دووڤچوونا هەردو یانەیێن ئەلمانی پێشهاتەیێن نوو هەبن تایبەت ل سەر ڤەگۆهاستنا وێ بۆ ئێك ژ یانەیێن ئەلمانیا.
یاریزانا كورد شۆخان نۆرەدین ل وەرزێ بۆری پەیوەندی ب یانەیا هیلال كربوو و شیایە د 14 یاریێن بۆری یێن خولێ دا 43 گۆلان تۆماربكەن ئەوا هاتیە بەرنیاسین ب هالاندا خولا سعۆدیێ.
