دو نۆشدارێن دهۆكێ بێ بەرانبەر دێ نەخۆشان چارەسەر كەن
دهۆك، لەزگین جۆقی:
رێڤەبەرێ گشتیێ ساخلەمیا پارێزگەها دهۆكێ بۆ رۆژناما ئەڤرۆ دیار كر، دو نۆشدارێن دهۆكێ بێ بەرانبەر دێ نەخۆشان چارەسەر كەن و دبێژیت: ئەم سوپاسیا هەلویستێ وان یێ مرۆڤایەتی دكەین.
د. ئەفراسیاب موسا، رێڤەبەرێ گشتیێ ساخلەمیا پارێزگەها دهۆكێ گۆت: «د. نەوفەل رەشید حسێن، تایبەتمەندێ نەخوشیێن ڤەگر و ڤایرۆساتان و د. ئەحمەد تاهر ڕەجەب، تایبەتمەندێ نەخوشی و نەشتەرگەریێن گۆلچیسكان و میزەڕوویێ كارەكێ گرنگ یێ مرۆڤایەتی ئەنجام دا، هەردو نۆشداران ڕۆژێن دوشەمبی تەرخانكرینە ل كلینیكێن خۆ یێن تایبەت نەخوشان بێ بەرانبەر چارەسەر بكەن و دەرمانان ژی بۆ نەخۆشان ل گورەی شیانێن خۆ دابین بكەن».
گۆتژی: «ئەم وەكو رێڤەبەریا گشتیا ساخلەمیا پارێزگەها دهۆكێ، ڤی هەلویستێ وان یێ مرۆڤایەتی د ڤێ ڕەوشێ دا بلند هەلسەنگینین و هیڤیخوازین نموونەیێن وەكو وان زێدە ببن بۆ خزمەتكرنا نەخۆشان».
