دو وه‌لاتيێن زاخۆ خه‌ندقين
ئه‌ڤرۆ نيوز:
به‌رپرسێ راگه‌هاندنێ ل رێڤه‌به‌ريا به‌ره‌ڤانيا باژێرى ل دهۆكێ راگه‌هاند كو دو وه‌لاتيێن زاخۆ د ئاڤا خابووى دا خه‌ندقين و پشتى ماوه‌كى شيان ته‌رمێن هه‌ردويان بيننه ده‌رێ و ناسناما وان ژى هاته ئاشكه‌راكرن.
بێوار عه‌بدولعه‌زيز، به‌رپرسێ راگه‌هاندنێ ل رێڤه‌به‌ريا به‌ره‌ڤانيا باژێرى ل دهۆكێ، بۆ ئه‌ڤرۆ نيوز گۆت: “دوهى رۆژا ئه‌ينى رێكه‌فتى 21ى ته‌باخا 2015ێ ل ده‌مژمێر 3:00ى ئێڤارى بنگه‌هێ زاخۆ يێ ئاگرڤه‌مراندنێ هاته ئاگه‌هداركرن كو د وه‌لاتيێن د خابوورى دا خه‌ندقين، پشتى گه‌هشتنا تيمێن نقۆمڤانان بۆ جهێ روودانێ و بۆرينا نيڤ ده‌مژمێرێ لاشێن وان ژ ئاڤێ ئينانه ده‌ر و هه‌ردو و ناسنامێن هه‌ردو وه‌لاتيان دياربوون”.
زێده‌تر گۆت: “ئێك ژ وان وه‌لاتيان ب ناڤێ (ع.ط.ئ) يێ 18 سالى و (م. ئ. ع) يێ 27 سالى بوون كو هه‌ردو خه‌لكێ قه‌زا زاخۆ نه”.