دو وەبەرهێنەرێن بازرگانی ئێك ژ وان كوردە بزاڤا كڕینا یانەیا زەورا دكەن
بۆ ماوەیێ مەهەك دو وەبەرهێنەرێن بازرگانی بزاڤێن رژد دكەن ژبۆ كرینا یانەیا زەورا یا بەغدایی ئێك ژ یانەیێن ب ناڤودەنگ د خولا پلا نایابا ئیراقێ یا تەپا پێی دا و بەرهەڤییا خوە دیاركرینە بۆ هەر كۆژمەیەكێ پارایی ژ وان دهێتە داخواز كرن، لێ نە بوونا چو یاسایەكا فرۆتنا یانەیێن سەر ب دەزگەهێن حوكمەتێ بوویە ئاستەنگ بەرانبەر داخوازییا وان.
ل دۆر ڤێ یەكێ شاكر ئەلجبۆری سكرتێرێ یانەیا زەورا گۆت: هەر ئێك ژ عەلی ئەلسەماك و سەڤین یاسین وەبەرهێنەرێن بەرنیاس ل باژێرێ بەغدا داخوازكرینە یانەیا زەورا بۆ كەرتێ تایبەت بهێتە ڤەگۆهاستن و ب هەر كۆژمەیەكێ پارەیی ئەو بەرهەڤن ب دەنە دەزگەهێ حكومی یا پەیوەندارا كو وەزارەتا گەیاندن و گواستنێ یە و رژدن ل سەر داخوازییا خوە، لێ ل دووڤ بەندێ 18 و 37 چو یاسا رێكێ نا دەن یانەیێن دەزگەهان بۆ وەبەرهێنەران و كەرتێ تایبەت بهێتە ڤەگۆهاستن و سیستەمێ یاسایا ئیراقێ جودایە ژ یا ئۆرۆپا، سەرباری یانەیێن وەرزشی سەربەخوە كاری د كارگێری و دارایی دا یا هەیی لێ نەبوویە رێگر ئەو ب خوە وەبەرهێنانێ بكەن.
ژلایێ خوەڤە عەلی سەماك وەبەرهێنەرێ داخوازكەر گۆت: مە سێ ب شێوەكێ تەسەل داخوازییا كرینا یانەیا زەورا كرییە ب داتا و سۆزێن پێشئێخستنا وێ ژ لایەنێن پەیوەندیدار كریە ژوانا نڤێسینگەها سەرۆك وەزیران، وەزیرێ ڤەگۆهاستنێ و وەزیرێ وەرزش و لاوان، چاڤەڕێ بەرسڤا دووماهیێ نە، دێ ل سەر بزاڤێن خوە بەردەوامبین.
