دو وەلات بوونە ئەگەرێ سزادانا ئیرانێ
ئەڤرۆ نیوز:
بەری دەمەکێ حەسەن رۆحانی سەرۆک کۆمارێ ئیرانێ د کۆمبوونەکێ دا ل پارێزگەها خوراسان دیار کر کو ئیسرائیل و سعوودیێ هاریکاریا ئەمریکا کرن و وەسا ل ترامپی کرن کو دەست ب سزادانا ئیرانێ بکەت و گۆت: (ئیران د رەوشەکا گەلەک خراب دایە و رەوشا مە یا نها ژ سەردەمێ شەرێ ل گەل عیراقێ خرابترە و دڤێت ئەم خوراگر بین).
سەرۆک کۆمارێ ئیرانێ ئەو یەک ژی دیار کر کو ئیسرائیل و سعوودیێ دڤێن ب رێیا سزایێن ئەمریکا وەلاتێ مە لاواز بکەن و ئەم دێ ل هەمبەر وان خوراگر بین و پیلانێن وان ژناڤ بەین.
