دو پارتێن کوردی ب کاندیدێن سەربخوە دێ پشکداریێ د هەلبژارتنان دا کەن
ئەڤرۆ نیۆز، هۆشەنگ تاجر:
مەسعود تەک سەرۆکێ گشتی یێ پارتا سوسیالیست یا باکورێ کوردستانێ بۆ ئەڤرۆ نیۆز راگەهاند کو ئەم و پارتا ئازادی یا باکورێ کوردستانێ رێککەفتینە کو ب رێیا کاندیدێن سەربخوە پشکداریێ د هەلبژارتنێن باژێرڤانیان یێن سالا ٢٠١٩ دا بکەین.
ناڤهاتی ئەو یەک ژی دیار کر کو هەڤدیتنێن مە ل گەل پارتێن دی یێن باکورێ کوردستانێ ژی هەنە دا ئەو ژی ل گەل مە پشکدار بن و گۆت: (مە پێ باشە هەموو پارتێن کوردی یێن باکور پێکڤە پشکداریێ د هەلبژارتنان دا بکەن و بزاڤێن مە د ڤێ دەربارێ دا بەردەوامن و هێڤیدارین بشێن یا د بەرژەوەندیا گەلێ مە دا بیت بکەین).
