دو پرۆژێن چاندنێ پێشكێشى جوتیارێن دو گوندێن شێخان هاتنە كرن
ئەڤرۆ نیوز، بارزان مزوورى:
هشیار بامه‌رنى نوونه‌رێ كومپانیا هانت ئویل یا به‌رهه‌مئینانا پترۆلێ ل ده‌ڤه‌را شێخان بۆ ئه‌ڤرۆ نیوز گوت: (وه‌زاره‌تا سامانێن سرۆشتى یا حكومه‌تا هه‌رێما كوردستانێ ب هه‌ماهه‌نگى دگه‌ل كومپانیا هانت ئویل بۆ گوندێن”دوشیڤان،بێرسته‌ك”ل سنورێ ناحیا باعه‌درێ دو پرۆژێن مه‌زن یێن چاندنێ كو د وه‌رزێ زڤستانێ به‌رهه‌مى بینن دهێنه دروست كرن).
ناڤهاتى خویاكر ژ وان هه‌ر دو پرۆژان هه‌ر ئێك ژ وان پرۆژه‌ى پێنج خانیێن پلاستیكى دهێنە دانان هه‌ر ئێك ژ وان خانیا ب درێژاهیا 44 م یا درێژه ل سه‌ر روبه‌رێ مه‌زن یێ عه‌ردى كو ژلایێ گوندى ڤه هاتیه دابین كرن، ئه‌ڤ هه‌ر دو پرۆژه دێ دو جورێن به‌رهه‌مى هێن چاندن باجان سورك و خیار ل ده‌سپێكا هه‌یڤا 10 دهێنه چاندن).
ناڤهاتى گوت ژی ئه‌ڤ پرۆژه وه‌كو هاریكارى بۆ جوتیارێن هه‌ر دو گوندانە به‌لێ ئه‌م دێ به‌رده‌وام هاریكاریا وان جوتیارا كه‌ین.