دو کارمەندێن کەنالەکێ هاتنە کەرەنتینە کرن
ئەڤرۆ نیوز، عەلی حاجی :
د داخویانیەکێ دا ئەندامەکێ لژنا بلندا بەرهنگاربوونا ڤایروسێ کۆرۆنایێ ل زاخۆ بۆ ئەڤرۆ نیوز دیار کر، کو دو کارمەندێن کەنالەکێ عێراقی کو دبنە پەیامنێر و وێنەگرەک ل باژێرێ دهوکێ هاتینە کەرەنتینە کرن.
زێدەتر ئەدیب سندی گوت : پشتی هندەک حالەتێن ڤایروسێ کۆرۆنایێ دناڤ وی کەنالێ عێراقی دا هاتینە کەرەنتینە کرن و پەیامنێرەک و وێنەگرەکێ وی کەنالی ل باژێرێ موسل قەستا مالێن خوە کرین ل کومەلگەهەکا سەر ب قەزا زاخۆ ڤە، ئێکسەر ژلایێ دەزگایێن ئەمنی ئەو کەسە ئێختسنە بن چاڤدێریێ دا نوکە هاتینە کەرەنتینە کرن ل باژێرێ دهوکێ دا کو بهێتە پشت راست کرن کو ئەڤ هەردو کەسە هەلگرێن وی ڤایروسی نە یان ژی نە، بەردەوام دەزگایێن ئەمنی چاڤدێریا دەڤەرێ دکەن و هەموو رێکار گرتینە بەر، ژ پێخەمەت وێ چەندێ مەترسیا ڤایروسێ کۆرۆنایێ ل سەر خەلکێ مە دروست نەبیت.
