دو کرێکارا ل ئاکرێ گیانێ خوە ژ دەستدا
ئەڤرۆ نیوز ، سەباح زوهێر:
ئەڤرۆ ئێڤاری ل دەمێ کارکرنێ دا ل سەر پروژەکێ ل قەزا ئاکرێ ژ ئەنجامێ هەرفتنا گرەکێ ئاخێ دو کرێکار دکەڤن بن ئاخێ دا و هەردو گیانێ خوە ژ دەست ددەن.
موقەدەم فیراس یاسین بەرپرسێ راگەهاندنا بەرەڤانیا باژێری ل ئاکرێ بۆ ئەڤرۆ نیوز دیارکر کو هەردو گەنج د ژیێ ۲٥سالیێ دابووینە ب ناڤێ (رزگار عبدالرحمن و کامل ئەسعەد) ئێک ژ وان خەلکێ قەزا ئاکرێ یە و ئێک ژی خەلکی کەڤرگوسکێ یە، پشتی کو رودان دروست بووی تەرمێ هەردوان هاتیە رەوانەکرن بۆ نەحۆشخانێ و دوڤدا هاتینە رەوانەکرن بۆ نوشداریا داد ل نەخۆشخانا گولان ل ئاکرێ.
موقەدەم فیراس زێدەتر دبێژیت کو ئەڤ چالە ب چار متران کویربوویە و دو مەتران پان بوویە، پشتی کو هەرفین دروست بووی هەردو گەنج ل بنڤەبووینە و پشتی دو دەمژمێرا ئیناینە دەر، لێ مخابن هەردوان گیانێ خوە ژەستدایە، چونکی چال یا کویربوو و گەلەک ئاخ کەفتبوو ل سەر لاشێ وان.
گۆت ژی ئەندازیارێ پروژەی و بەلێندەر و شوفێرێ قەلابێ هاتینە دەستە سەرکرن و ڤەکولین دگەل دا دێ هێتەرن.
