دو کورتە چیڕۆک
د. ئەمجەد عوبەید
سمینار
پشتی ژ وێ سمینارا زكئێش و زەوقفسینك دەركەتی، ترومبێلا خو ل وێرێ هێلا و ب پەیاسە، ژۆردا بەرەف بازاریڤە چو..
زەنگلا مەسنجەرێ لێدا..
بلەز موبایلا خۆ ژ بەریكا پشتێ یا كابوێ خۆ یێ رەش ئینادەر..
ب رێزكێن نامێ دا چو خوار، وەها نڤێساندبوو:
«ئەو هەمی پاتك روتێن د وێ هولێڤە، گۆری تەبن خودانێ پرچا رەش و بۆر»
…………………..
خوزی
پشتی دیدارا وان یا سەرپێ ب دویماهی هاتی.
گۆتی: دێ جارەكا دی تە بینمەڤە؟
ب دەڤی گۆتێ ب زەحمەت..
و ب چاڤان گۆت خۆزی.
