دو کورد ئالایێ کوردستانێ ل سه‌ر ئاسمانێ وه‌لاتێ نەرویج بلند دکه‌ن
ئەڤرۆ نیوز، ئاراس صبحی رەشاڤایی:
ل گه‌ل سۆتاندن و بێ رێزیا دۆژمنێن کوردستانێ، هه‌ستا وه‌لاتیێن کورد ب هێزتر دبیت ، دو کوردێن ئاکنجی یێن نه‌رویج ب شێوازه‌ک تایبه‌ت ده‌ربرینا هه‌ستێ خو دكه‌ن.
ل حه‌فتیا بوری دا دو وه‌لاتیێن کورد فرۆکه‌کا تایبه‌ت د گرن و ب ئالایێ کوردستانێ د نه‌خشینن و سه‌ر باژێره‌کێ نه‌وریج دا دبۆرن و دلخۆشیا خوە ب ڤی ره‌نگی ده‌ردبرن.
محه‌مه‌د ئه‌سکه‌نده‌ر کو هه‌ڤده‌م کادره‌کێ چالاکێ پارتیە ل نه‌رویج، بۆ ئه‌ڤرو نیوز دیار كر: پشتی بێ رێزی به‌رامبه‌ر ئالایێ کوردستانێ هاتیه کرن و هاتیه سووتین ل به‌غدا، بۆ مه هزر چێ بوو کو ئه‌م ب ڤی شێوی رێزێ ل ئالایێ کوردستانێ ب گرین، من په‌یوه‌ندی ب( عابدولباست ته‌ها) کر کۆ فڕۆکه‌ڤانه و ئه‌ڤه ۷ ساله باوه‌رناما لێ خۆرینا فرۆکا هه‌یه ل نه‌رویج د ژیت.
محه‌مه‌د ئه‌سکه‌نده‌ر ل باژێرێ ئوسلۆ دژیت و ب رێیا ۸ ده‌مژمێرا دوره ل هه‌ڤالێ خو ژبه‌رهندێ ب رێکا فرۆکێ خۆ د گه‌هینیته باژێرێ ستاڤانگه‌ر و پێکڤه ڤی کاری دكه‌ن ، ل وێرێ د گه‌ل عابدولباست ته‌ها فرۆکه‌ک تایبه‌ت د گرن و ب ئالایێ کوردستانێ نمایشه‌ک جوان د هنداڤ باژێرێ ستاڤانگه‌ر د فرن ب ئالایێ کوردستانه ڤه.
هه‌روه‌سا کاک محه‌مه‌د کۆ پێشمه‌رگێ شوره‌شا گۆلانێ بوویه و ۲۳ ساله ل نه‌رویج د ژیت گۆت: هه‌سته‌ک زۆر خوش ب جلکێت کوردی و ب بلندکرنا ئالایێ کوردستانێ ل ئه‌سمانێ وه‌لاتێ نه‌رویج بیرا وان ده‌ما هاته مه ، ده‌مێ ئه‌م پێشمه‌رگه ، و نوکه ژی ئه‌م شیان ب ڤی ره‌نگێ هه‌ستێ خۆ به‌رامبه‌ر ئالاێ کوردستانێ ده‌ربرین.
