دو کچێن یانا گارە ھاتنە ھەلبژارتن بو ھەلبژارتیێ عیراقێ
ئەڤرۆ:
ھەر دو یاریکەرێن یانا گارە کارین کەمال و ڤین کەمال ئەوێن بەری چەند رۆژا پشکداری قارەمانیا شەترەنجێ یا عیراقێ دا کری شیان رێزێن ئێکێ و سیێ بدەستڤە بینن و ھاتنە ھەلبژارتن بو ھەلبژارتیێ عیراقێ
لدور ڤی بابەتی سەرۆکێ ئێکەتیا شەترەنجێ یا پارێزگەھا دھۆکێ بۆ رۆژناما ئەڤرۆ گوت: ھەر دو یاریکەرێن یانا گارە کارین کەمال و ڤین کەمال ب ناڤێ پارێزگەھا دھۆکێ پشکداری قێ قارەمانیێ ببون ئەوا ل بەغدا ھاتیەکرن ب پشکداریا ٨ یاریکەران و ب سیستەمێ دو قوناغ قارەمانی ب رێڤە چوو.
زێدەتر ناڤبری گوت: ئەنجامێن یاریکەرێن مە گەلەک دباشبوون کو یاریکەر کارین کەمال شیا ل رێزا ئێکێ بھێت لسەر ئاستێ عیراقێ ب کومکرنا ١١ خالان بێ خوسارەتی و یاریکەرا دی ڤین کەمال ل رێزا سیێ ھات ب کومکرنا ٩ خالان و ھەر دو ھاتنە ھەلبژارتن بو ھەلبژارتیێ عیراقێ بو ھەرقارەمانیەکا ژ دەرڤە یا پاشەرۆژێ.
لدووماھیێ ناڤبری دیارکر کو یاریکەرێن گەلەک باش دڤێ قارەمانیێ دا د پشکداربوون لێ ھەر دو یاریکەرێن مە شیان ناڤێ پارێزگەھا دھۆکێ بلند بکەن و ھەڤرکیێنخوە خوسارەت کەن و بێگومان ئەڤ ئەنجامە ژ ڤالاھیەکێ نەھاتینە و پشتی زەحمەتەکا مەزن بری شیان بھێنە ھەلبژارتن و دێ دەست ب بەرھەڤیێن خوە کەن بو ھەر قارەمانیەکا ژدەرڤەی عیراقێ کو ل پاشەرۆژێ بھێتە کرن.
