دو کەس دگەل ھندەک ماددەیێن ھوشبەر ھاتنە دەستەسەرکرن
ئەڤرۆ نیوز:
ئاسایشا سۆران ئاشکرا کر ئافرەتەک و زەلامەک وان دەستەسەر کرینە دگەل ھندەک ماددەیێن ھوشبەر ژی دگەل دابوون.
پشکا نەھێلانا مادەیێن ھوشبەر ل ئاسایشا سۆران ئەو چەندە ژی دیارکر ل ئێک ژ زالگەھێن قەزا سۆران شیان دو کەسان دەستەسەر بکەن کو ئێک ژ وان ئافرەتە دگەل دا ٢٥٥ گرامێن ماددەیێن ھوشبەر ژ جورێ شیشە دگەل دا بوون، و ئەڤ ھەردو کەسە نە خەلکێ وێ دەڤەرێ بوون و ب ئارمانجا بەلاڤکرنا ڤان ماددەیێن ھوشبەر بوون ل ناف قەزا سۆران.
ڤان ھەردو کەسان دانپێدان ب وێ چەندێ کریە وان ڤیایە ڤان ماددەیێن ھوشبەر ل ناف قەزا سۆران بەلاڤ بکەن و نوکو ڤەکولین دگەل دا ب دووماھی ھاتیە و ھاتینە رەوانەکرن بۆ دادگەھا ڤەکولینێ.
