دو کەس هاتنە کوشتن و هەشت ژی بریندار بووینە
ئەڤرۆ نیۆز،عەزیز رەسول هەورامانی:
ئەڤرۆ ل قەزا سەیدسادق دو خێزانێن مرۆڤێن ئێک ب شەر دچن و د ئەنجامدا دو کوشتی و هەشت بریندار لێ کەفتینە،قائیمقامێ وێ قەزایێ ژی گۆتیە کو رەوش هاتیه کۆنترۆلکرن. دیاری رەفیق قائیمقامێ قەزا سەیدسادق بۆ ئەڤرۆ نیۆز گوتیە:ئێڤاریا ئەڤرۆ ب ئەگەرێ شەرێ دو کاسبکارێن ناڤ بازارێ قەزا سەیدسادق،دو کەس هاتینە کوشتن و هەشتێن دی ژی بریندار بووینە.
زێدەتر ژی گۆتیە :نوکە پۆلیسان رەوش کۆنترۆلکریە و هەروەسا تەرمێ کوشتیا و برینداران هاتیە ڤەگۆهاستن بۆ نەخۆشخانا شەهید شەوکەت، هەروەسا سێ بریندارێن رەوشا وان خراب هاتینە ڤەگۆهاستن بۆ نەخۆشخانا تەنگاڤیا ل سلێمانیێ.
قائیمقامێ سەیدسادق دیارکریە ژی:پۆلیسان دەست ب ڤەکۆلینێن ئەگەرێن چێبوونا ڤێ روودانێ کریە.
