دو کەس هاتینە دەست نیشانکرن بۆ وەرگرتنا پۆستێ رێکخەرێ گشتی یێ بزاڤا گۆران
ئەڤرۆ نیۆز،زنار تۆڤی:
پشتی وەغەرکرنا نەوشێروان مستەفای رێکخەرێ گشتی یێ بزاڤا گۆران د ئەڤ سالەدا ،ئەڤە نێزیکی دو هەیڤانە بزاڤا گۆران یا بێ رێکخەرێ گشتی،لەورا ڤێ بزاڤێ بریار دایە هەتاکو 25.7.2017 رێكخه‌رەکێ گشتی بۆ خوە ده‌ست نیشان بكه‌ن و دناڤ هەردو بەربژێران دا عومه‌رێ سه‌ید عه‌لی بهێزترین به‌ربژێره بۆ وه‌رگرتنا ڤی پۆستەی دناڤا گۆرانێ دا.
ل رۆژا دەربازبووی گرۆپێ شیره‌تكاری یێ بزاڤا گۆرانێ كۆمبوونەک ئەنجامدایە و تێدا بەحس ل ڤالاتیا پۆستێ رێكخه‌رێ گشتی یێ بزاڤا گۆران كریە،هەروەسا گرۆپێ شیرەتکار یێ بزاڤا گۆران ناڤێن هەردو بەربژێران عومه‌رێ سه‌ید عه‌لی و قادرێ حاجی عه‌لی بۆ پركرنا جهێ نه‌وشێروان موسته‌فایی رێکخەرێ بەرێ یێ بزاڤا گۆران پێشنیاز كرینە و بۆ جڤاتا نیشتیمانی یا گۆرانێ بلند كرینە،ژ پێخەمەت ئێك ژ وان هەردو كه‌سان په‌سه‌ند بكه‌ن و ئێک ژ وان ببیتە رێکخەرێ گشتی یێ گۆرانێ،ل دووڤ پێشبینیان عومەرێ سەید عەلی بەربژێرەکێ بهێزە بۆ وەرگرتنا ڤی پۆستی.
