دو یاریزانێن زاخۆ بۆ هه‌لبژارتیێ ئیراقێ هاتنه داخوازكرن
عەلی حاجی:
ب شێوەیەکێ فەرمی هەر ئێک ژ یاریزان موراد عەلی و زنار هشیار بۆ ناڤ لیستا هەلبژارتیێ ئێکێ یێ ئیراقێ بۆ یارییا باسکێت بۆلێ هاتینه داخاز کرن.، خوه به‌رهه‌ڤكرن بۆ ڤاڤارتن و قاره‌مانیێن ده‌رڤه.
د داخویانیه‌كێ دا زنار هشیار ئێك ژ یاریزانێن داخوازكری بۆ رۆژنامه‌یا ئه‌ڤرۆ گۆت: پشتی دگەل هەلبژارتیێ لاوێن ئیراقێ یێ باسکێت بۆلێ شیایم ئاستەکێ باش پێشکێشبکەم و دەلیڤەیەک باش ژی دگەل تیما زاخۆ د خولا پێشەکارێن ئیراقێ دا وه‌رگرتی و ئاستەکێ باش پێشکێشبکەم و ئەو سەربوره هێدی یێ بۆ من پەیدا دبیت، بۆ من شانازیە هاتیمە داخازکرن بۆ هەلبژارتیێ ئیراقێ و ئه‌ڤه پشكه‌كه ژ خه‌ونا من د ژیێ بچووک دا بگەهمێ، هیڤییا من ئه‌وه بشێم جهەکێ سەرەکی دناڤ پێکهاتیێ دا ببینم، من باوەری ب شیانێن خوە هەیە کو ئاستەکێ باشتر پێشکێش بکەم، پێدڤییە کار ل سەر باشترکرنا ئه‌وان شیانان بكه‌م ژبەرکو هێشتا من شیانێن گەشەکرنێ هەنە و پشت راستم ژی دێ شێم.
ژلایه‌كێ دووڤه راهێنه‌رێ هه‌لبژارتیێ ئیراقێ دۆباره داخواز ژ هه‌رسێ یاریزانێن دی یێن كورد فه‌رید ره‌عد كوڕێ باژێرێ دهۆكێ و محه‌مه‌د عبدولخالق كوڕێ باژێرێ هه‌ولێرا پایته‌خت و یاریزانێ ڕه‌ڤه‌ندا كورد ل ئۆرۆپا رێكان عوسمان كرینه بۆ ناڤ رێزێن هه‌لبژارتیێ ئیراقێ دا خوه به‌رهه‌ڤكرن بۆ ڤاڤارتنێن رۆژئاڤا ئاسیا و كۆپا ئاسیا و بڕیاره ل شه‌مبییا بهێت ئێكه‌م خرڤه‌بوونا هه‌لبژارتیێ ئیراقێ ل هۆلا ئه‌لشه‌عب پایته‌ختێ ئیراقێ به‌غدا بهێته كرن.
