دو یاریزانێن پارێزگه‌هێ به‌رهه‌ڤیان بۆ ئۆلمپیادا پاریس 2024ێ دكه‌ن
قەیس وەیس:
راهێنه‌رێ هه‌لبژارتیێ ئۆلمپیێ ئیراقێ یێ فوتبۆلێ رازی شنێشل شه‌ش یاریزانێن پیشه‌كار د خولێن ئۆرۆپا دا و یاریزانه‌كێ یانه‌یا دهۆك بۆ ناڤ رێزێن تیما خوه داخوازكرینه كه‌مپێ راهێنانێ خوه به‌رهه‌ڤكرن بۆ ڤاڤارتێن كێشوه‌رێ ئاسیا ده‌ربازبوون بۆ ئۆلمپیادا پاریس 2024ێ، ئه‌وا بڕیاره ڤاڤارتن ل 15ێ نیسانا بهێت ده‌ستپێبكه‌ت.
ل دووڤ لیسته‌یا ئه‌وا شه‌ش ناڤێن هاتینه داخوازكرن ژ وانا یاریزانێ خه‌لكێ ئاكرێ و پارێزگه‌ها دهۆكێ و ڕه‌ڤه‌ندا كورد و یانه‌یا مالمۆ یا سویدی یوسف پایز عه‌بدولحه‌مید ناسیار یوسف ئه‌لئه‌مین و هه‌روه‌سان، ئیقبال زێدان، حسێن عه‌لی، مونته‌ز ماجد، عه‌لی حه‌مادی و عه‌لی ئه‌لموسه‌وی كو د داخویانیه‌كێ دا رازی شنێشل پشكدارییا ئه‌ڤان هه‌ر شه‌ش یاریزانان دگه‌ل هه‌لبژارتیێ ئیراقێ ب گرنگی دا زانین.
یوسف ئه‌لئیمام ل 2004ێ ل باژێرێ مالمۆ یێ سویدی ژ دایكبوویه و بابێ وی خه‌لكێ باژێرێ ئاكرێ یه، به‌ری بهێته داخوازكرن بۆ ناڤ رێزێن لاوێن هه‌لبژارتیێ ئیراقێ دا دگه‌ل هه‌لبژارتیێ لاوێن سوید پشكداری ڤاڤارتنێن كێشوه‌رێ ئۆرۆپا بوویه لێ ژبه‌ر شیانێن وی راهێنه‌رێن هه‌لبژارتیێن ئیراقێ رژدی ل سه‌ر هاتنا وی بۆ ناڤ رێزێن تیمێن خوه كرییه و دووماهی پشكدارییا وی ل سبته‌مرا سالا 2023ێ دگه‌ل هه‌لبژارتیێ ئۆلمپیێ ئیراقێ پشكداری ڤاڤارتنێن قاره‌مانییا ئاسیا بوو.
بۆ زانین دناڤ رێزێن هه‌لبژارتیێ ئۆلمپیێ ئیراقێ پێنچ یاریزانێن دی یێن كورد دناڤ دانه ئه‌وژی سیابه‌ند عه‌گید كوڕێ پارێزگه‌هێ و یانه‌یا دهۆك سیابه‌ند عه‌گید، هه‌روه‌سان هه‌لۆ فایه‌ق، یانه‌یا هه‌ولێر، یوسف ئه‌مین یانه‌یا ئینتراخت براونشفایگا ئه‌ڵمانی، بلند حه‌سه‌ن یانه‌یا دی گرافشابی هۆله‌ندی و ئالای قاسم یانه‌یا ئای ئێف كه‌ی یۆتۆبۆر یا سویدی.
