ديزاينا مۆبايلێن سامسۆنگ كه‌فته د قووناغه‌كا نوو دا
ئه‌ڤرۆ نيوز:
كۆمپانيا سامسۆنگ مافێ داهێنانا مۆباليه‌كێ ب ده‌ست ڤه ئينا كو شاشه‌كا نه‌رم يا هه‌يى و دشيان دايه وه‌كو ده‌مژمێرێ بكه‌نه ده‌ستێ خوه.
ده‌زگه‌هێ مافێ كه‌ساتيێ يێ به‌رهه‌م و ماركێن بازرگانى ل ئه‌مريكا كۆمپانيا سامسۆنگ مافێ داهێنانا مۆباليه‌كێ ب ده‌ست ڤه ئينا كو شاشه‌كا نه‌رم يا هه‌يى و دشيان دايه وه‌كو ده‌مژمێرێ بكه‌نه ده‌ستێ خوه و شيانێن هه‌لگرتنا وێنه و ڤيديۆ و هنارتن و وه‌رگرتن و په‌يوه‌ندى و كورته نامان هه‌يه.
داهێنانا سامسۆنگ د كاودانێن ئاسايى دا وه‌كو مۆبايلا ئاسايى كار دكه‌ت به‌لێ پيچه‌ك درێژ كريه و شاشه‌كا نه‌رم بۆ دانايه كو دهێته چه‌ماندن وه‌كو سه‌عه‌ته‌كا ئاسايى دشيان دايه بكه‌نه ده‌ستێ خوه و پشتا مۆبايلێ ژى دهێته چه‌ماندن و ب له‌مسێ كاردكه‌ت و دژى تێچكوونێ يه.
هه‌تا نوكه سامسۆنگێ تايبه‌تمه‌نديێن ئه‌وێ مۆبايلێ ئاشكه‌را نه‌كرينه به‌لێ مالپه‌رێ سام مۆبايل دبێژيت: “چاڤه‌ر دهێته كرن ئه‌ڤ مۆبايله ل ژێر ناڤێ Gear A به‌لاڤ بكه‌ت و پشته‌ڤانيا نه‌وه‌يێ سيێ يێ ته‌كنۆلۆژيايێ دكه‌ت ب رێيا په‌يوه‌نديێن 3G و Blutoth و Wi-Fi ژى يێن هه‌ين و دشيان دايه ب ئه‌نترنێتێ ژى ڤه بهێته گرێدان”.
هه‌ر چه‌نده ده‌مێ خستنا ناڤ بازارى ژ لايێ سامسۆنگ ڤه نه‌هاتيه دياركرن، به‌لێ پێشبينى دهێته كرن ئه‌ڤ مۆبايله ل بهارا سالا بهێت ب چه‌ندين ساخله‌تێن گه‌له‌ك باش ڤه بكه‌ڤيته د بازارى دا.