دڤێت بیته په‌یكه‌رسازه‌كێ كاریگه‌ر د ناڤ خه‌لكی دا
ئه‌ڤرۆ، هه‌رهین محه‌مه:
په‌یكه‌رسازێ گه‌نج دلشاد شیمال گۆران، دیداره‌كێ دا بۆ به‌رپه‌رێ هونه‌ری یێ رۆژناما ئه‌ڤرۆ گۆت: ل هه‌موو بوار و پشكێن په‌یكه‌رسازی دا من كاركریه، ب شێوازێ په‌یكه‌ر و مه‌دالی و ب تایبه‌ت پوتریت پتر گرنگیێ د ده‌ت، و ب شێوازێ دروستكرنا سه‌روچاڤێن مرۆڤان و ئه‌ڤ شێوازه ژی وێ رامانێ دده‌ت، كو مرۆڤ ئه‌و كه‌سێ مرۆڤ په‌یكه‌رێ وی دروستكه‌ت بلند د نرخینت، هه‌روه‌سا دكارێ په‌یكه‌رسازی و دروستكرنا په‌یكه‌رێن پوترێت دچه‌ند سالێن بوری ل په‌یمانگه‌ها هونه‌رێن جوان و من ب دووماهی ئینایه، و نوكه ژی هه‌ریێ به‌رده‌وامم مژیلی په‌یكه‌رێن مرۆڤانم ب شێوازێ پوترێت و په‌یكه‌رێ چه‌ندین كه‌سایه‌تێن ناڤدار من دروستكریه وه‌كو په‌یكه‌رێ فه‌رسه‌ت سوفی و شه‌هید محه‌مه‌د ره‌شید و هه‌تا نوكه ل چو جهان نه‌هاتینه دانان،به‌لێ دئاماده‌نه لده‌ڤ من و ب دووماهی هاتینه
هونه‌رمه‌ندێ ناڤبری گۆتژی: هه‌كه په‌یكه‌ر ب شێوازه‌كێ ته‌مام بیت، هه‌یڤه‌ك بوو دڤێت هه‌تا كو ب دووماهی دهێت، هه‌كه ب شێوازێ په‌ورترێت بیت دو حه‌فتیان دا دێ ب دووماهی هێت، و هه‌كه مه‌دالیه‌ك بیت یان په‌یكه‌ره‌كێ بارز بیت دو سێ رۆژان دا دێ ب دووماهی هیت، و په‌یكه‌رسازێ راسته قینه ئه‌وه هه‌موو شیوازێن دروستكرنا په‌یكه‌ری ب شێوه‌كێ ئه‌كادیمی بێی هیچ كێماسیه‌ك بزانیت، هه‌روه‌سا داهێنانێ دكارێ خوه دا بكه‌ت، و كارێ وی بهێته دخزمه‌تا خه‌لكی دا و باژێرو وه‌لاتێ خوه پێش بێخیت، و ب وه‌لاتێن بیانی بده‌ته نیاسین و هونه‌رمه‌ندێن ڕاسته‌قینه مه گه‌له‌ك هه‌نه ژوان ژی شوان كه‌مال و دارا حه‌مالی و هه‌روه‌سا گه‌له‌كێن دی.
دلشادی گۆت: دژیانا خوه یا هونه‌ری دا من پشكداری دگه‌له‌ك پێشانگه‌هان دا كریه چ فیسته‌ڤالێن په‌یمانگه‌هێ بن چو پیشانگه‌هێن هه‌ڤپشكبن و هیڤیا من ئه‌وه بمه كه‌سه‌كێ كاریگه‌ر دناڤ خه‌لكی دا ب چێكرنا په‌یكه‌ران و هیڤیا من ئه‌وه رۆژه‌ك بهێت وه‌لاتێ مه ژی وه‌كو وه‌لاتێن بیانی ب هونه‌ری به‌رنیاس بت.
