دڤێت تورکیا هەلوەستێ خوە ل هەمبەر کوردان بگوهۆڕیت
وەزیرێ دەرڤە یێ ئەمریکا ئانتۆنی بلیکن دێ رۆژا ١٣ ڤێ مەهێ سەرەدانا تورکیا کەت و دێ ل گەل بەرپرسێن وی وەلاتی سەبارەت ب پاشەرۆژا سووریێ و کوردان ئاخڤیت، بەرپرسەکێ وەزارەتا دەرڤە یا ئەمریکا ژی دیار کر، ئەو دێ بەردەوام پشتەڤانیێ ل هێزێن سووریا دیموکرات و رێڤەبەریا خوەسەر کەن و د سەرەدانا خوە دا وەزیری دەرڤە دێ داخواز ژ تورکیا کەت ئێرشێن خوە یێن ل سەر دەڤەرێن کوردی ل سووریێ بدەنە راگرتن.
ئەو یەک د دەمەکێ دایە کو بەری دو رۆژان وەزیرێ دەرڤە یێ ئسرائیلێ ژی راگەهاند وی ب رێیا تەلەفۆنێ ل گەل وەزیرێ دەرڤە یێ ئەمریکا ئاخڤیە و داخواز ژێ کریە ئێرشێن ل سەر کوردان ل سووریێ بهێنە راگرتن، چونکی کورد فاکتەرێ ئارامیێ نە ل سووریێ.
