دڤێت حزبوللا چەکان رادەست بکەت
بەرپرسەکێ حوکمەتا لوبنانێ راگەهاند، هەبوونا چەکان د دەستێ حزبوللاهێ دا ژ بۆ پاشەرۆژا لوبنانێ گەلەک یا خرابە و دێ بیتە ئەگەرێ مەترسیێن گەلەک مەزن، ژ بەر ڤێ یەکێ ژی وەکو حوکمەتا لوبنانێ وان بریار داینە چەکان ژ حزبوللا لوبنانێ وەربگرن و دڤێت چەک تنێ د دەستێ دەولەتێ دا بیت.
ل ئالیێ دی بەرپرسەکێ حزبوللا لوبنانێ ژی دیار کر، ئەو ب چو رەنگەکێ دەست ژ چەکان بەرنادەن و هەلوەستێ نها یێ حوکمەتا لوبنانێ دێ بیتە ئەگەرێ ئالۆزیێن نوو ل لوبنانێ و دڤێت حوکمەتا لوبنانێ نەبیتە پشکەک ژ پیلانێن ئەمریکا و ئسرائیلێ ل لوبنانێ.
چاڤدێرێن سیاسی ژی دیار دکەن، حوکمەتا لوبنانێ ژ بەر فشارێن ئەمریکا و ئسرائیلێ یا نەچارە چەکان ژ حزبوللا لوبنانێ وەربگریت، هەکە حزبوللا ئاریشەیان دروست بکەت دێ ئەمریکا و ئسرائیل ل لوبنانێ ئێرشی حزبوللاهێ کەن و ئەو یە دێ بیتە ئەگەرێ ئالۆزبوونا رەوشا ناڤخوەیی یا لوبنانێ.
