دڤێت سنوورهك بۆ وان كهسان بهێته دانان یێن بێ ناسنامه ریكلامان دكهن
هەرهین محەمەد:
ئهنوهر بادی، خودانێ كۆمپانیا ئهی ڤی لاین یا ههموو كارێن هونهری و شارهزا د وارێ ریكلامان دا د دیدارهكێ دا بۆ بهرپهرێ هونهری یێ رۆژنامهیا ئهڤرۆ دبێژیت: بهری نوكه ریكلام ژلایێ كۆمپانیان ڤه دهاته چێكرن و دبیت دو سێ رۆژان ل سهر كاركربا و ل دووماهیێ ژی ریكلامهكا جوان بهرههم دئینا، بهلێ نوكه ههر كهسهک ب رێیا تهلهفۆنا خوە دشێت ریكلامێ بۆ جهێ خوه بكهت و ل سهر باخڤیت و بهلاڤه بكهت، بهلێ ئهڤی تشتی ژی دڤێت سنوور بۆ بهێنه دانان و دڤێتئهو كهسێن ریكلامان دكهن باجا چێكرنا ریكلامان ههبیت و نوكه من كۆمپانی یا ههی و سالانه ئهز باجا خوه ددهم و دبیت ئهو پتری من كاردكهت و چو پاران نهدهت و گرنگه چاڤدێریهك ل سهر وان كهسان بهێته كرن یێن كو ب كارێ ریكلامێ رادبن و بهری ریكلام بهێته بهلاڤكرن لێنیرینهك ل سهر بهێتهكرن كا ئهرێ ل گهل جڤاكێ مه دگۆنجیت یان نه.
زێدهرگۆت: رهوشهنبیریا ریكلامێ لنك مه یا نوی یه و ب مخابنی ڤه نوكه هندهك كهس ئهڤێ چهندێ بكاردئینن ژ بۆ مهرهمێن خوه یێن تایبهت و گهلهك سهردابرن یا چێبوویی ژبۆ تشتێ ئونلاین ب رێكا ریكلامان و ئهڤێ چهندێ ژی گهلهك كارتێكرن یا ل سهر خهلكی كری و باوهری ب كرنا تشتێ ئونلاین نهمایه، بهلێ هێدی هێدی خهلكێ مه یی تێدگههیت كرینا كهل و پهلان ب رێیا ئونلاینێ نهتشتهكێ دروسته و ئهڤ سهردابرنه ب سهرێ ههموو كهسان هاتیه و گهلهك جاران من تشت ب رێیا ئونلاین كریه نهوهكو وێ یه یا من دئونلاین دا دیتی گۆت: نوكه ههر كهسهكێ ههبیت یێ كارێ ریكلامێ دكهت بۆ مهرهمێن تایبهت و ب دهستڤهئینانا داهاتهكی و بوویه وهكو بازرگانیێ و بۆ نموونه كهسهكا بهرنیاس یا ئیراقی مه ژێ خواست بۆ مه ریكلامێ بكهت بۆ دهمێ سێ ههیڤان و ئهوێ بهرامبهر داخوازا پارهكی كر ب ئهوی پارهی مرۆڤ دشیا ترۆمبێلهكێ بكریت و رێكهفتن ئهو بۆ دههیڤێ دا پێنچ شهش جاران لنك خوه بلاڤ بكهت و لدووڤ ئهڤێ چهندێ ژی گهلهك كهس زارڤهكرنا وان كهسان دكهن یێن ب رێیا ریكلامێ بخوه داهاتهكی خرڤه دكهن، لهورا ئهوژی بزاڤێ دكهن خوه بهرنیاس كهن و ریكلامێ بكهن و داكو داهاتهكی ب دهست ڤه بینت و لنك ئهوی نهیا گرنگه ئهو تشتێ ریكلاما وی دكهت یێ باش بیت، یان یێ خراب بیت و دنوكه دا پتر ریكلام بۆ ڤهخارنێت بهێزكرنێ دهێتهكرن و پتری 60% ریكلام بۆ وان كهرهستهیان دهێته كرن یێن كو ماینه ل سهر گوهێت پێشانگهه و كومپانیان و ئهو داشكاندنێ ل سهردهن و ب ئهڤێ رێكێ ههموو دهێنه فرۆتن.