دڤێت ل سه‌ر ناڤێ خۆ تاپۆ كه‌ت
سه‌رۆكێ يانا ريال مه‌دريد فلۆرينتينۆ پيرێز پێشنيازا گوهۆڕينا قانوونێن نوو ل ريال مه‌دريد دكه‌ت دا كو بۆ ماوه‌كێ درێژ بمينيت سه‌رۆكێ يانا ناڤبرى، د ده‌مه‌كى دا كو هه‌ڤرك ژى يێن هه‌ين.
رۆژناما موندۆ ديبۆرتيڤۆ يا وه‌رزشيا ئيسپانى دياركر كو سه‌رۆكێ نوكه يێ يانێ يێ بزاڤێ دكه‌ت خوه ب كورسيكێ ڤه گرێده‌ت وه‌كو نيعمه‌ته‌ك.
پيرێز به‌رى نوكه مه‌رجێن خوه به‌ربژێركرنێ گوهۆڕيبوون كو پێدڤيه چو نه‌بيت ئه‌وێ دبيته سه‌رۆكێ يانێ بۆ 20 سالان ل گه‌ل يانێ كار كربيت و ئه‌و بوو ئه‌گه‌رێ وێ چه‌ندێ كو ئه‌و ل جارا بۆرى ببيته سه‌رۆكێ يانێ ژ به‌ر كو پتريا هه‌ڤركێن وى ئه‌و مه‌رج نه‌بوو.
قانوونا دويێ ژى ئه‌وه كو يێ بزاڤێ دكه‌ت وێ چه‌ندێ ژى بنه‌جهـ كه‌ت كو پێدڤيه ئه‌وێ دبيته سه‌رۆكێ يانێ چو نه‌بيت 15% ژ بوودجێ يانێ هه‌بيت و ئه‌ڤه ژى هندێ دگه‌هينيت كو پێدڤيه يێ خوه به‌ربژێركه‌ت ل دووڤ ده‌مێ نوكه ب كێمى 84 مليۆن يۆرۆ هه‌بن و ئه‌ڤه ژى يا ب زه‌حمه‌ته هه‌ڤركێن وى بگه‌هنێ.
سه‌رۆكێ يانا مه‌له‌كى يێ ڤێ چه‌ندێ دكه‌ت پشتى ترس بۆ وى ژ هه‌ڤركێن وى دروست بووى، ب تايبه‌ت كو نوكه هنده‌ك سه‌رمايه‌دارێن مه‌زنێن جيهانى دڤێت هنده‌ك يانێن ب ناڤ و ده‌نگ بكرن و دهێته پێشبينيكرن كو ته‌ماعيا خوه ببه‌نه ريال مه‌دريد ژى، له‌ورا ئه‌و يێ هنده‌ك قانوونێن ژڤى ره‌نگى ددانيت دا كورسيكا خوه ب پارێزيت.
