دڤێت مه سۆشیاله‌كا پاقژ هه‌بیت
دهۆك، شاهۆ فه‌رید:
یوتیۆبه‌رێ گه‌نج (محه‌مه‌د حه‌جی) كو ئه‌ڤه بۆ ده‌مێ پێنج سالانه دناڤ یوتیۆبی دا به‌رنامه و ڤولۆكان تۆمار دكه‌ت، دو به‌رنامه هه‌بووینه، جڤاكی و به‌ریكانه، چه‌ندین كه‌سێن به‌رنیاس د به‌رنامێن خوه دا مێهڤانكرینه، نوكه یێ به‌رهه‌ڤیێن خوه دكه‌ن دا به‌رنامه‌كێ نوو پێشكێش كه‌ت، لێ ئه‌ڤ جاره دێ ل سه‌رشاشا ته‌له‌فزیۆنه‌كێ بیت.
محه‌مه‌دی بۆ ئه‌ڤرۆ گۆت: هه‌ر دبچووكاتیا خوه دا ئه‌زێ لڤلڤۆك بووم و من حه‌زا تاقیكرنا هه‌موو تشتان هه‌بوو، هه‌روه‌سا من دڤیا ئه‌ز دناڤ سۆشیال میدیایێ دا هه‌رده‌م یێ ب بزاڤبم و ل جهه‌كی بتنێ نه‌راوه‌ستم، هه‌ر چه‌نده هزرێن من ژ ژیێ من مه‌زنتر بوون لێ به‌رده‌وام من بزاڤ دكرن پتر خوه ئاڤابكه‌م و تشتێ نوو بینمه د هه‌بوونێ دا، بۆ زانین به‌رنامێ من یێ نوو ژ دو بڕگان پێك دهێت و دێ مه مێهڤان هه‌بن و دێ بزاڤێ كه‌ین گه‌له‌ك تشتێ نوو نیشا وان ده‌ین، لێ به‌ری وێ چه‌ندێ دڤێت ئه‌م هه‌موو كاربكه‌ین ژبۆ هندێ كو مه‌ژی سۆشیال میدیایه‌كا پاقژ هه‌بیت.
