دڤێت نەهێلین نەخۆش پێدڤی ب قەستەرا دلی ببیت
د.هیوا طارق ئاكرهی، تایبهتمهندێ نهخۆشی و قهستهرا دلی دیاركر كو نهخۆشیێن دلی دهێنه دابهشكرن بۆ چهند نهخۆشیهكا وهكو تهنكبوونا خوینبهرێن دلی، ههروهسا بلندبوونا فشارا خوینێ و بلندبوونا فشارێ ل رهخێ راستێ یێ دلی، ههروهسا تێكچوونا كارهبا دلی كو چهند پشكهكا ب خۆڤه دگریت وهكو، ههكه كارهبا دلی یا زێده یان كێم بیت، ههروهسا تێكچوونا صهمامێن دلی، ئهوژی گهلهك یا بهلاڤه دناڤ خهلكێ مهدا و گۆتژی: هندهك نهخۆشی ژی ههنه دهمێ ماسولكێن دلی ژ كاردكهڤن و دروست كارێ خۆ نهكهن كو دبێژنێ لاوازبوونا دلی، یان ههودان ماسولكا دلی بگریت و یا ژ ههمیا بهربهلافتر و مهترسیدارتر ژی نوكه جهلتا دلی یه و ب مخابنڤیه گهلهك گهنج ژی تووش دبنێ و پێدڤیه پتر هشیاری شێوازێ ژیانا خۆ بین دا تووش نهبین.
د.هیوا طارق دیاركر ژی، مرۆڤ دشێت جهلتێ كێم بكهت و كرنا قهستهرا دلی كارهكێ ب زهحمهت نینه، بهلێ یا ب زهحمهت ئهوه ئهو وهبكهین كو نهخوشی نهگههیته ڤێ قۆناغێ، ئهڤه دڤێت ببیته ئارمانجا مه كو ئهم وه بكهین نهخۆشێن نه پێدڤی ب قهستهرێ نهبن و ژیانهكا نورمال دهربازبكهن بێی تووشی لاوازبوونا دلی یان ههر ئاریشهكا دی ببن.
ل دۆر خۆپاراستنێ ژ جهلتا دلی دیاركر، كو خۆپاراستن یا ب زهحمهت و د ههمان دهم دا ژی یا ب ساناهی یه، یا ژ ههمیێ گرنگتر ئهوه مرۆڤ دووربكهڤیت ژ جگارا و ئهو نهخۆشێن فشارا خوینێ، یان نهخۆشیا شهكرێ ههی پێدڤیه بهێمه كونترولكرن و مهخزوونێ وان ل بن 6:5 بیت، ههروهسا كونترولا كولیسترولێ خوینێ بهێتهكرن و ئهو نهخۆشێن دناڤ مالباتێ دا گهلهك ئاریشێن دلی ههین یان حهلتێن دلی د بهربهلاف دناڤدا ئهو ههتا ههكه كولیسترولێ وان یێ نورمال ژی بیت، دووڤچوونا خۆ بكهن و بهێنه دبن نورمالیێ دا.
ههروهسا دیاركر كو وهرزش كارهكێ پێدڤیه د خۆپاراستنێ دا و گۆت: ئهو وهرزشا دهێته كرن پێدڤیه ههتا وی رادهی بیت كو لێدانێن دلی زێدهببن، داكو دل مفای ژ وهرزشێ ببینیت.
د.هیوا ئاكرهی دیاركر، ههر كهسهكێ دیت یێ روونشتی یه و ژ نشكهكێڤه دیت دلقوتانا وی زێدهبوو، ههستكر بێی كو دهرهجا سهركهڤیت یان وهستیانێ دلێ وی زێده لێدا، یا دوێ ئهوه د حالهتێ نڤستنێ دا، نهخۆش دێ بێژیت ئهز ژ خهو رادبم و دلێ من زێده خۆ لێدا ئهوژی نه یا دروسته، هندهك جارا ژی دبیته ئهگهرێ گێژبوونێ بێی كو ئاماژهك ههبیت دێ كهڤیت، ئانكو ژ نشكهكێڤه دێ كهڤیت و گۆت: هندهك جارا تێچكوونا كارهبا دلی نه یا مهترسیداره و هندهك جارا ژی پێدڤی ب چارهسهریێن جوراوجور ههیه كو ژ دهرمانا دهستپێ دكهت و هندهك ژی ئێكسهر پێدڤی ب نشتهرگهریێ دبن.
