دڤێت وێنه‌گر سه‌نگا خوه بپارێزیت
دهۆك، شاهۆ فه‌رید:
عسمه‌ت سالح، وێنه‌گره‌كێ خه‌لكێ زاخۆیه، هه‌تا نوكه چه‌ندین كلیپ بۆ سترانبێژان چێكرینه، هه‌روه‌سا ب كارێ ده‌رهێنانی ژی رابوویه و چه‌ندین جاران ژی وه‌كو ئه‌كته‌ر و هاریكارێ وێنه‌گری ل گه‌ل ده‌رهێنه‌ر (كامیران بێتاسی) كاركریه، خولێن فێركرنیّ ژی ل گه‌ل (حه‌سه‌ن حاجی) بۆ پتر ژ 200 كه‌سان ڤه‌كرینه.
ناڤهاتی بۆ رۆژناما ئه‌ڤرۆ گۆت: ئه‌ڤ ده‌مێ ئه‌ز تێدا بۆریم یێ له‌زێ و هه‌ڤڕكیێ بوویه، هه‌بوونا ئامیرێن پێشكه‌فتی نوویاتی نه‌مایه و ڤه‌گه‌ڕیاینه كلاسیكی، بنه‌مال هه‌نه ناخوازن كوڕ بچیته د ناڤ شه‌هیانا واندا و دڤێت وێنه‌گرێن كچ بچن، به‌لێ دڤێت چه‌ند رێنما و یاسا بهێنه‌دانان هه‌تا ببیه وێنه‌گر و مه‌ترسیا سه‌ر وێنه‌گری ئه‌وه ده‌مێ كه‌سانێن نه شاره‌زا ل گه‌ل خوه ده‌ته كاری، ئه‌ڤه ئه‌ركه‌كێ قورسه، چونكو خه‌لكه‌ك باوه‌ریێ د ده‌تێ، دڤێت وێنه‌گر سه‌نگا خوه بپارێزیت، وێنه‌گر دڤێت ئه‌كادیمی بیت دا تووشی شاشیان نه‌بیت.
