دڤێت چو چەک نەگەهنە دەستێ حوسیێن یەمەنێ
جڤاتا ئاسایشێ یا نەتەوەیێن ئێکگرتی سەبارەت ب مەترسیا حوسییان کۆمبوو و ئەندامێن جڤاتێ دیار کرن، حوسیێن یەمەنێ بووینە مەترسی ل سەر هەموو جیهانێ و ئێرشێن بەردەوام یێن حوسییان ل سەر کەشتیێن بازرگانی مەترسیەکا گەلەک مەزنە بۆ هەموو جیهانێ و گرنگە ئێدی ب چو رەنگەکێ رێ نەهێتە دان دا کو چەک بگەهنە دەستێ حوسییان و دڤێت ئیران ژی ئێدی چەکێن گران نەدەتە حوسیێن یەمەنێ، چونکی ب بەلگە هاتیە سەلماندن حوسیێن یەمەنێ ب موشەکێن ئیرانێ ئێرشی گەمیێن بازرگانی ل دەریا سۆر دکەن.
ئەندامێن جڤاتا ئاسایشێ هەروەسا بریار دان هەکە ئیران یان ژی هەر هێزەکا دی چەکی بدەتە حوسییان دێ ب توندی هێتە سزادان، دڤێت یا پێدڤی ل دژی حوسییان بهێتە کرن، دڤێت وەلاتێن دی ژی هاریکار بن دا دەریا سۆر ژ مەترسیا حوسیێن یەمەنێ بهێتە پاقژکرن، بەردەوامیا رەوشا نها ب چو رەنگەکێ ناهێتە قەبوول کرن.
