دڤێت کورد ل سەر ستراتیژیەکا نەتەوی پێکڤە کار بکەن
ئەڤرۆ نیوز، هۆشەنگ تاجر:
چاڤدێرەکێ سیاسی ل رۆژهەلاتێ کوردستانێ دیار دکەت کو نابیت کورد ئەمریکا ب هندێ تومەتبار بکەن کو خیانەت ل رۆژئاڤایێ کوردستانێ کریە، بەلکو ئەمریکا ژ بۆ بەرژەوەندیێن خوە کار دکەت و ل گۆر کوردان ستراتیژیا خوە دیار ناکەت، ژ بەر هندێ ژی دڤێت هەموو هێزێن کوردی خوە بۆ هەر گوهۆرینەکێ ئامادە بکەن.
فەرهاد وەلی زادە راگەهاند ژی کو ڤەکێشانا ئەمریکا دێ کارتێکرنا خوە ل هەر چار پارچێن کوردستانێ کەت، ژ بەر هندێ ژی دڤێت هەموو هێزێن کوردی یێن هەر چار پارچێن کوردستانێ پێکڤە ل سەر ستراتیژیەکا نەتەوی کار بکەن وی دەمی گەلەک وەلاتێن جیهانێ ژ بۆ بەرژوەندیێن خوە دێ سەرەدەریەکا راست ل گەل کوردان کەن، ئانکۆ دڤێت کورد بشێن بەرژەوەندیێن هەڤپشک ل گەل زلهێزان دروست بکەن.