دیاردا سرۆشتی یا عـهبادی
ههر وهكو نڤێژهكا فهرز لێهاتیه كو د دیرۆكا گهلێ كورد دا ب مافهكێ خوه یێ رهوا شاد ببیت، دڤێت ب دژواری تام بكهته ئێش و ئازار و دهردهسهریان، یان ژی ژ گهلهك مافێن دی خوه بێبههر بكهت تا كو ب مافهكێ ئاشنا و شاد دبیت, كوردستانا نها ئهم تێدا یا پێدڤی ب ئێكگرتنهكا نهتهوهی ههی، ههكه نهبیت هزاران عهبادی دێ چاڤێن خوه ل ژیانێ زلكهن، پهرلهمانێ نها كورد تێدا گهر ئێك ههلویست و ئێك بریاری نهبیت، عهبادیهكێ دی دێ بێژیته ڤی عهبادی جهێ من بكه، د دیرۆكا گهلێ عیراقێ دا چو دهسههلات پهیدا نهبوونه ئهگهر مه تام كربیته لادانا مافێن كوردان و وهك نههنگهكی، هزاران ماف خاربن و بندهستكربن، نها ژی عهبادی یێ خوه ب تهكنوكرات دزانیت و ئهو د دهمهكێ دا یه عهبادی چ ژ بیروباروهرێن تهكنۆكراتیێ زانیت، یا ژ وێ خرابتر دێ ئهو بیت دهما ئهم كورد پشتهڤان بین ژبۆ تهكنۆكراتیا بێسهروبهریا عهبادی و ژ بۆ وی پشتهڤان بین، دیسا ژی، ئهنجامدانا كار و چاكسازیان ژ لایێ عهبادی ڤه چو سهیروسهمهری تێدا نینه كو عهبادی ب وان كورته چاكسازیان خوه ب سهركردهكێ چاكساز بزانیت، چونكو یا روون و ئاشكرایه سهردهم بۆ سهردهمی سهركرده دهێنه گوهۆرین لێ ههكه كورته
چاكسازی ژی بندهست ببن، ب ساناهی دێ سهردهم سهركردهی دگوهۆریت، ئهڤرۆ لیستا یاسای ل پهرلهمانێ عیراقا فیدرال ل ههموو شیان ڤه یا كاردكهت ژ پێخهمهت نزمكرنا ناڤێ كوردان و بن دهستكرنا مافێن رهوا یێن گهلێ كورد، تاكو ئهم بشێن وان ههموو مافان بپارێزین و ب ساناهی ئهو تاكه مافه بندهست نهبن، بلا ئێدی پهیڤا مه، گۆتنا مه، كار و كریارا مه، ههلۆیستێ مه ئێك بیت و وهك كورد سهرهدهریێ ل گهل لایهنێن داگیركهر بكهین، بلا ناڤمالیا كوردی ئێك بیت داكو ب ساناهی ناڤمالیا مه نهبیته كهرستێن بیانی، بلا ئهم ل بهغدا ئێك
دهنگ بین تا كو نه ب تنێ عهبادیهك بهلكو هزار عهبادی ب كورته چاكسازیان خوه ب سهربلند نهزانیت، بلا ئێدی پهرلهمانتار و هنارتیێن مه ل بهغدا ب تنێ دیكۆر نهبن بهلكو كاربكهن ئێك دهست بن ژ پێخهمهت ئێكدهستیا گهلێ كورد دیسا ژی ژ پێخهمهت گرێدانا باشترین ئارمانج ژبۆ سهربهخوهبوونا گهلێ كورد، تا نها ژی عهبادی ههرێما كوردستانێ وهك ههرێمهك نزانیت و پێناسه ناكهت لهورا بلا ئهم ئهو كهس بین ئهوێن كو پێناسهیا كوردستانهكا ئازاد و سهربهخوه بۆ عهبادی و هزار عهبادیان شلۆڤهبكهین، بلا كاربكهین تا كو بژین نهكو كاربكهین تاكو عهبادی دژیت، ئێكدهنگیا مه ل پهرلهمانێ عیراقێ دا واته هندێ دگههینیت ب دیتنا هزاران ئاوارهی و دهردهسهریێ ئهم كورد دێ ههر ئێك بین ژپێخهمهت كوردستانهكا ئاڤا، ب ئێك ناڤمالیا كوردی ل بهغدا و ب گرتنا دهستێن ئێك دو چ گومان تێدا نینه عهبادی ب دووڤهلانكێن خوه ڤه دێ دانپێدانێ ب دهولهتا كوردی كهت ههر وهك چاوا نها چهندین دهولهتێن دی یێن دهوروبهر و بیانی دانپێدانێ ب دهولهتا كوردی یا سهربهخوه دكهن، لهورا بلا بهس بیت كاربكهن ژبۆ ئازادیا گهلێ كورد ژبۆ دیتنا مافێن رهوا بلا پهرلهمانێ بهغدا ئێكدهست بین و بۆ ههر تاكه مافهكێ رهوا یێ گهلێ كورد وهك گورگێن هار بین بۆ بدهستڤههاتنا مافێن خوه گورگ و شێر و پلنگ بین نهكو هندهك رویڤێن چاڤ ب ترس و خاڤ بین.
