دیاركرنا ده‌م و ژڤانێن پێشده‌م
سالح حه‌كیم
ئێك ژ میكانیزمێن هه‌ری گرنگ بۆ پێشڤه‌برنا كه‌ساتیا ته، ڕاستگۆیا مرۆڤی یه، د هه‌موو بیاڤێن ژیانێ دا، ده‌ستپێبكه ژ خوه، پاشی بۆ خه‌لكه‌كێ ژی ئاراسته‌بكه، فه‌ره مرۆڤ خه‌مساریێ د راستا ژڤان و سۆز و په‌یمانان دا نه‌كه‌ت، د سه‌ره‌ده‌ریا خوه‌دا ژی كه‌سه‌كێ خودی هه‌لویست بیت، ل دووڤ ژڤانێ كارێ خوه پێرابوونان ئه‌نجامبده‌ت، ئانكو كاركرن د ژڤانێن پێشده‌م دا، ئێك ژ نیشان و سه‌خله‌تێن وه‌فاداریێ نه، بۆ خزمه‌تا گشتگیریا جڤاكی، پێدڤیه سه‌ر هه‌ر تاكه‌كی، ب ڕژدی كار بۆ نه‌هێلانا ڤێ دیاردێ یان بۆ، هه‌ر كاودانه‌كی پێگریێ ب رێنمایێن كارێ خوه بكه‌ت. پتریا جاران دبینین كه‌سه‌كی جهێ كارێ خوه ئه‌و داموده‌زگه‌هێ لێ كار دكه‌ت، ژڤانه‌ك داكه‌سه‌كی، به‌لێ ل دووڤ ژڤانێ خوه‌یێ ده‌ستنیشانكری كار ناكه‌ت، یان ل دووڤ ده‌مژمێرێن كاری یێ پێگیر نینه، هه‌كه ده‌مژمێر هه‌شتی سپێدێ ژڤانێ كارێ وی بیت، دێ ده‌مژمێر ده‌هـ چیته كاری، له‌و پرانیا خه‌لكی رۆژانه ڤان گله‌یان دكه‌ن. هه‌مان ده‌مدا ژی ئه‌و كه‌سێن خودی مامه‌له ژی، یێ پێگریێ نینه، ل دووڤ ژڤانێ خوه یێ دیاری ناچیت. دێ به‌هانه‌یان گریت.. وه‌كو پا ئه‌ز نه گه‌هشتم! هه‌كه ته ژڤانه‌ك دا كه‌سه‌كی به‌ری ژڤانی خوه ئاماده‌به بۆ ئه‌نجامدانا وی كاری. پێدڤی ناكه‌ت داخوازا لێبۆرینێ ژێ بكه‌ی، به‌لێ هه‌كه تو پشتی ژڤانێ دیاركری چوویی، هینگێ پێدڤیه ل سه‌ر ته داخوازا لێبۆریێنێ ژ وی كه‌سی بكه‌ی، ل ڤێره فه‌ره ئه‌م باش كار سه‌ر ڤێ چه‌ندێ بكه‌ین، هزر بكه‌یی كا ئه‌رێ ئه‌ڤ كه‌سێن ب ڤێ ئاوایی سه‌ره‌ده‌ریێ ناڤ جڤاكی دكه‌ن، ئانكو یێن گرنگێ ب ده‌م ژڤانێن خوه یێن دیاركری نه ده‌ن چو بها ما یه ناڤ خه‌لكی دا؟ یان كه‌ساتیا خوه ب ئێكجار به‌رزه‌كرینه، هه‌ر كاره‌كێ مرۆڤ ئه‌نجامبده‌ت، هه‌كه مه‌ره‌م ژێ به‌رژه‌وه‌ندیا تاكه‌كه‌سی بیت، یان نیاز ژێ بنپێكرنا مافێ خه‌لكی بیت، فه‌ره هه‌ر زوو ئه‌و كه‌سه ژ كاری بهێته لادان، چونكی ئێدی جهێ متمانه‌یێ ل ده‌ف نینه گه‌له‌ك جاران ئه‌ڤ كه‌سه بوونه جهێ گومانێ د ناڤ جڤاكی دا. و دێ گۆتنا په‌یڤێن خوه‌یێن خوه‌ش، دێ شێت سه‌رنجا خه‌لكه‌كی راكێشن، و دێ وه‌سا هزركه‌ی ئه‌ڤ مرۆڤه یێ باشه، به‌لێ هه‌كه تو دووڤچوونا وی بكه‌ی، هه‌ر چ ژ ڤان سه‌خله‌تان ل جه‌م نینن، تو رێزێ ل خوه بگری. به‌رانبه‌ری كه‌سانێن دی ژی دێ رێزێ ل ته گرن، د ئه‌نجامێ وێ ئێكێدا، دڤێت به‌ری هه‌ر كه‌سه‌كی خوه ده‌ربێخیت، وه‌ك كه‌سه‌كێ خودان رێز، ئه‌گه‌ر ئه‌ڤرۆ د دره‌وێ دا ژی سه‌ركه‌ڤتی، بزانه سوباهی د هه‌لویسته‌كێ به‌رته‌نگ دا دێ شه‌همزاربی.
